Þyngir róður fjölskylduútgerða
Gunnlaugur Snær Ólafsson Þóroddur Bjarnason
Setja bókamerki
„Það er alltaf verið að horfa á þessi sex stóru félög en við erum bara alls ekki í sömu aðstæðum og þau,“ segir Halldór Kristinsson, framkvæmdastjóri Kristins J. Friðþjófssonar ehf., um þau áform ríkisstjórnarinnar að hækka veiðigjöld til muna.
Hann segir ljóst að fólk átti sig ekki á því hvaða hlutverki allar smærri útgerðir gegna í nærsamfélagi sínu og bendir á að útgerðir hafi stutt við fjármögnun nýs björgunarskips, æskulýðs- og íþróttastarf og fleira. „Það eru ákveðin samfélagsverkefni sem við þurfum að standa á bak við og það verður mjög erfitt, ég hef áhyggjur af því að þetta hverfi. Þetta er bara landsbyggðarskattur.“
Í greinargerð frumvarps ríkisstjórnarinnar um hækkun veiðigjalda kemur fram að með fyrirhuguðum breytingum yrði veiðigjald yfirstandandi árs 45,59 krónur á kíló fyrir þorsk sem er 59% hærra gjald en tilkynnt var um síðastliðin áramót. Í tilfelli ýsu yrði gjaldið 24,9 krónur á kíló og er það tæplega 24% aukning frá því sem nú er.
„Það virðist ekkert vera sem megi lifa nema einhverjir krókabátar og stórútgerð, leynt og ljóst er verið að þurrka út þessa millistærðarbáta og dragnótabáta. Þetta er ekki flóknara en það,“ segir Guðlaugur Óli Þorláksson sem gerir út dragnótabátinn Hafborgu EA frá Grímsey.
„Það er ekki nóg að það sé stanslaus niðurskurður á aflaheimildum heldur er líka aukning í allskonar álögum hvert sem er litið hvort sem það er aðkeypt þjónusta, sala á fiskmörkuðum, hafnargjöld, kolefnisgjald eða hvað sem þetta allt heitir,“ segir hann.
Rætt var um áform ríkisstjórnarinnar á Alþingi í gær.
Arðgreiðslur sem hlutfall af hagnaði eru mun minni í sjávarútvegi en í öðrum atvinnugreinum, að sögn Birtu Karenar Tryggvadóttur, hagfræðings Samtaka fyrirtækja í sjávarútvegi. Hún segir að greinin hafi nýtt góð ár til að niðurgreiða skuldir og fjárfesta í bættum tækjabúnaði, nýjum og hagkvæmari skipum o.fl.
„Rekstri í sjávarútvegi fylgir töluverð óvissa og því þurfa fyrirtækin að hafa svigrúm til að bregðast við,“ segir Birta.
Lesa má meira um málið í Morgunblaðinu í dag
Skúli byggir átta hús í Hvammsvík
Ítrekar áhuga sinn á þriðja kjörtímabilinu
Svandís: Snerist um hagsmuni flokkanna
/frimg/1/55/76/1557604.jpg)
„Augnablik þar sem ég hreinlega grét“
Gnarr vill rýmka mannanafnalög
/frimg/1/55/79/1557992.jpg)
Léku golf og ræddu viðskipti með ísbrjóta
„Þetta var mikið eldingaveður og er ennþá í gangi“