Útgerðir draga úr umsvifum
Setja bókamerki
Tillögur ríkisstjórnarinnar um hækkun veiðigjalds sem kynntar voru síðastliðinn þriðjudag hafa þegar leitt til þess að sjávarútvegsfyrirtæki hafa frestað eða hætt við framkvæmdir og kaup á tækjum og búnaði.
Fyrirtæki sem þjónusta sjávarútveginn óttast skerta fjárfestingargetu útgerða og segja nýsköpun í sjávarútvegi í hættu.
„Við vorum með verkefni í einni vinnslu í sumar og okkur var tilkynnt í gær [fimmtudag] að því verður frestað. Svo erum við með verkefni í togara þar sem menn eru hættir við breytingar á kælikerfi. Þetta er strax farið að hafa áhrif á okkur,“ segir Freyr Friðriksson framkvæmdastjóri Kapps. „Það er grafalvarlegt ef menn ætla að keyra þetta í gegn,“ segir hann.
„Við erum þegar með afpöntun á einu fjárfestingarverkefni í vinnslubúnaði, við vonum að það verði bara frestun. Það er ljóst að þetta er okkur ekki til framdráttar,“ segir Páll Kristjánsson, framkvæmdastjóri Slippsins DNG á Akureyri.
Nánar má lesa um málið í Morgunblaðinu í dag, laugardag.
Alvarleg staða í Landakotsskóla
Björgunarsveitarmenn fengu tvo fyrir einn
Blása á allt tal um reynsluleysi
Einn alvarlega slasaður eftir umferðarslys
Kristrún: Fáheyrt að vinna svona hratt
Myndir: Komu að fjárhúsinu fullu af sjó