Skortir greiningu á afleiðingum
Setja bókamerki
Helsta áhyggjuefnið vegna stórfelldrar hækkunar veiðigjalds er að vinnsla fari úr landi, að sögn Guðrúnar Arndísar Jónsdóttur, forstöðumanns Sjávarútvegsmiðstöðvar Háskólans á Akureyri.
„Ég óttast að það kunni að fara töluvert meira óunnið úr landi. Þá er ég ekki endilega að hugsa um þessar stærstu en frekar mikið af þessum smærri vinnslum,“ segir hún ísamtali við Morgunblaðið í dag.
Hún telur alls ekki óeðlilegt að ríkið fái greitt fyrir afnot af auðlind í eigu samfélagsins og segir sífellt ástæðu til að endurskoða aðferðir og upphæðir, en telur ríkisstjórnina mögulega fara of geyst í hækkanir.
Guðrún Arndís segir hugmyndir um umfangsmikla hækkun veiðigjalds þurfa að byggja á greiningu á því hverjar afleiðingarnar kunna að verða fyrir útgerðirnar og vinnslurnar. „Ég er ekki síður að hugsa um allar hliðargreinarnar og allan þann iðnað, eins og til dæmis Kerecis, Marel og fleiri. Það eru ótal mörg fyrirtæki á bak við hvern rekstur. Það þarf að fara í greiningu hvað þetta varðar.“
Nánar er fjallað um málið í Morgunblaðinu í dag.
Vilja halda partý: „Farið að minna á Tsérnóbyl“
Gæti leitt til eldgoss við Reykjanestá
Sprungur gleikkuðu í Grindavík
Mjög alvarlegt slys
Talsverð tíðindi í könnun Gallup í Reykjavík
Flæðir enn í kvikuganginn úr Svartsengi
Skjálftavirkni á um 20 kílómetra löngu svæði