„Við forðuðum öllum þremur bátunum úr höfninni í Grindavík, það er nú byrjað að gjósa, ætli þeir hefðu ekki lokast inni bara,“ segir Óskar Þórður Sveinsson, útgerðarstjóri hjá Einhamri Seafood.

Aðspurður segir Óskar að sér lítist ekki nógu vel á stöðuna, miðað við hvar gosið er að koma upp.

„Þetta er alveg við varnargarðana, þetta er nýbyrjað en mér sýnist þetta vera að skríða yfir varnargarðinn núna, þannig að þetta mun leka inn í Grindavík.

Nú þurfum við bara að bíða og sjá hvernig þetta þróast, mér sýnist sprungan vera að opnast til suðurs. Þetta lítur ekki vel út en við erum alla vega búnir að forða bátunum.“

Frétt af mbl.is

Beint: Eldgos á Reykjanesskaga

Tengdar fréttir

Eldvirkni á Reykjanesskaga

Vilja halda partý: „Farið að minna á Tsérnóbyl“

• Tíu skjálftar yfir þremur að stærð
• Rannsókn málsins ekki breyst
• Almannavarnastig fært af neyðarstigi á hættustig
• Flæðir enn í kvikuganginn úr Svartsengi

» Fleiri tengdar fréttir

• Blogga um frétt