Fagna hækkun veiðigjalds
Setja bókamerki
Alls höfðu borist 65 umsagnir um veiðigjaldafrumvarp ríkisstjórnarinnar undir kvöld í gær þegar Morgunblaðið fór í prentun. Hugmyndir ríkisstjórnarinnar um stórfellda hækkun veiðigjalds hafa mætt mikilli gagnrýni en töluverður fjöldi umsagna felur í sér stuðning við áform Hönnu Katrínar Friðriksson atvinnuvegaráðherra.
„Sanngjörn og hugrökk nálgun!“ segir Finnur Sveinbjörnsson án þess að hafa fleiri orð um málið. Jafn stuttorður er Erlingur Sigvaldason sem segir: „Mikið framfaraskref!“
„Ég fagna þessu frumvarpi ráðherra og styð það. Ef útgerðarfyrirtæki eru ósátt geta þau alltaf skilað inn kvótanum að fiskveiðiauðlindinni sem þjóðin á. Ég hvet þessa ríkisstjórn og þingmenn hennar til að fylkja sér á bak við hæstvirtan ráðherra Hönnu Katrínu Friðriksson og fylgja þessu frumvarpi eftir, með festu og án hiks, til samþykktar svo það verði að lögum,“ skrifar Steingrímur Dúi Másson.
Hellnasker – hugveita í sjálfbærni, kveðst „styðja með öllu fyrirhugaðar breytingar á lögum um afnotagjald af auðlindinni eða svokallað veiðigjald. Breytingarnar eru ekki rothögg fyrir sjávarútveginn, heldur leiðrétting á ósanngjörnu kerfi þar sem þjóðin – eigandi fiskimiðanna – hefur aðeins fengið örlítið brot af arði sínum. Nú stendur til að tryggja að auðlindaarðurinn nýtist samfélaginu – til rannsókna, innviða, sjálfbærni og réttlætis.“
Fjallað er um hækkun veiðigjalda í Morgunblaðinu í dag.
Tekinn með fíkniefni og nokkrar milljónir í reiðufé
Íslendingar láti vita af sér
„Næstu skipulögðu árásir á Íran verða harðari“
Umfjöllun hafi enga stoð í lagalegum forsendum
„Stjórnarskrárbrot á kostnað verkafólks“
/frimg/1/27/86/1278621.jpg)
Árásirnar bara byrjunin
Ekki stendur til að fækka stöðugildum
