Segir samráðsleysi lögbrot
Andrés Magnússon Gunnlaugur Snær Ólafsson
Setja bókamerki
Íris Róbertsdóttir, bæjarstjóri Vestmannaeyja og stjórnarmaður í Samtökum sjávarútvegssveitarfélaga, gagnrýnir harðlega að ríkisstjórnin ákveði að taka þetta „risastóra skref um landsbyggðarskatt“ án undirbúnings eða samráðs.
„Við fáum 9-10 daga til þess að melta þetta, við höfum ekkert heyrt um þetta, það hafði ekkert samráð verið haft, og við eigum að meta hvaða áhrif þetta hefur á okkar samfélög,“ segir Íris sem telur að þar hafi ráðherra ekki farið að lögum um sveitarfélög, sem áskilji að ríkisstjórnin hafi formlegt og reglulegt samstarf við sveitarfélög m.a. um framlagningu lagafrumvarpa sem varða sveitarfélögin og um stjórn fjármála hins opinbera, verkaskiptingu ríkis og sveitarfélaga og önnur mikilvæg mál sem varða hagsmuni sveitarfélaganna eða fjármál.
„Okkur finnst og höfum komið því á framfæri við atvinnuvegaráðherra að það sé eðlilegt að það sé haft samráð við hagaðila, en við lítum ekki svo á að Samtök fyrirtækja í sjávarútvegi séu eini hagaðilinn í þessu máli. […] Við viljum bara fá þau gögn sem atvinnuvegaráðherra byggir á. Þess vegna teljum við að það sé algerlega ótækt að þetta frumvarp sé komið fram án samráðs við okkur og án þess að það liggi fyrir um það gögn.“
Meiri áhrif á landsbyggðinni
Meðal þeirra 20 sveitarfélaga þar sem greidd voru mest veiðigjöld á hvern íbúa árið 2023 voru níu á Vestfjörðum og þrjú á Snæfellsnesi. Hæstu veiðigjöldin á hvern íbúa voru greidd í Vestmannaeyjum, Snæfellsbæ og Fjarðabyggð, að því er fram kemur í samantekt Bláa hagkerfisins ehf. fyrir Morgunblaðið.
„Í stuttu máli sagt eru hugmyndirnar í hinum framlögðu frumvarpsdrögum skilvirk leið til að gera Ísland fátækara og fábreyttara,“ segir Ragnar Árnason, prófessor í hagfræði við Háskóla Íslands, í umsögn um veiðigjaldafrumvarp ríkisstjórnarinnar. Hann telur jafnframt frumvarpsdrögin afhjúpa „einstaka skammsýni og skilningsleysi á íslenskum sjávarútvegi og raunar atvinnulífi almennt“.
Lesa má nánar um málið í Morgunblaðinu í dag og í nýja Mogga-appinu
Höfðu ekki ímyndunarafl í svona mikinn mun
Missti líklega stjórn á jepplingnum í hálku
Frumvarpið án lögboðins samráðs
„Þorum ekki alveg að segja það strax að þetta sé búið“
Auðlindagjald á Þingvelli óheimilt
Viðsnúningur í rekstri þjóðkirkjunnar
Undirbúa aðgerðir gagnvart Bandaríkjunum
„Mjög ólíklegt“ að skjálftinn hafi fundist