Nýr gildrubátur til Englands

Trefjar af­hentu á dög­un­um nýj­an Cleopatra 33 bát til Lyme Reg­is í Dor­set á suður­strönd Eng­lands og hef­ur bát­ur­inn fengið nafnið Maverick III. Eig­andi og skip­stjóri báts­ins er Brett Newt­on frá Beer, að því er seg­ir í til­kynn­ingu frá báta­smiðjunni Trefj­um.

Fram kem­ur að Maverick III er út­bú­inn fyr­ir gildruveiðar á töskukrabba, beitu­kóngi og humri. Reiknað er með að bát­ur­inn af­kasti 700 gildr­um á dag og verður bát­ur­inn gerður út frá Lyme Reg­is allt árið um kring að sögn eig­and­ans.

Lest­in er út­bú­in með með sprinkler­kerfi til að halda afl­an­um sprellif­andi um borð og er pláss fyr­ir allt að tólf 380 lítra kör í lest­inni.

Aðal­vél­in er FPT C90 tengd við ZF 286IV gír og er bát­ur­inn með vökv­adrif­inni bóg­skrúfu sem er tengd­ur við sjálf­stýr­ingu báts­ins, en sigl­inga­tæk­in eru frá Simrad, Hondex og Olex.

Í lúk­ar eru koj­ur fyr­ir þrjá auk eld­un­araðstöðu með elda­vél, ör­bylgju­ofni og ís­skáp. Örygg­is­búnaður báts­ins er frá Vik­ing.

• Blogga um frétt