Sam­tök fyr­ir­tækja í sjáv­ar­út­vegi (SFS) saka at­vinnu­vegaráðherra um óðagot og puk­ur í stjórn­sýslu varðandi fyr­ir­hugaða tvö­föld­un á veiðigjöld­um. Sam­tök­in birtu í dag bréf til ráðherra, þar sem gagn­rýnd er „tregða til að upp­lýsa um og af­henda und­ir­liggj­andi gögn, skort á grein­ing­um og áhrifamati“, en skamm­ur um­sagn­ar­frest­ur brjóti í bága við regl­ur stjórn­ar­ráðsins og geri mál­efna­lega umræðu ómögu­lega.

Í bréf­inu er minnt á að SFS kaus í liðinni viku að veita ekki um­sögn um frum­varps­drög ráðherra um hækk­un veiðigjalds inn­an viku­frests, sem sam­tök­in telja allt of stutt­an fyr­ir jafn­um­fangs­mikið mál. Ráðherra synjaði hins veg­ar beiðni SFS um fram­leng­ingu til 11. apríl án rök­stuðnings.

Í fram­haldi af þeirri yf­ir­lýs­ingu SFS birti ráðherra eig­in at­huga­semd­ir, sem SFS er að nokkru leyti að svara í þessu opna bréfi til ráðherr­ans.

Upp­lýs­inga­beiðnir ekki virt­ar

SFS gagn­rýn­ir einnig að ráðuneytið hafi neitað að af­henda und­ir­liggj­andi gögn og út­reikn­inga, þrátt fyr­ir ít­rekaðar beiðnir. Sam­tök­in benda á vill­ur í töl­um ráðuneyt­is­ins en segja óger­legt að leiðrétta þær án aðgangs að gögn­um, sem hindri gagn­sæja umræðu.

Enn frem­ur tel­ur SFS að ráðuneytið hafi ekki metið áhrif frum­varps­ins, sem byggi á norsk­um veru­leika án nægi­legr­ar grein­ing­ar á ís­lensk­um aðstæðum. Frum­varpið feli í sér skatt­lagn­ingu á ís­lensk fyr­ir­tæki út frá verðmati í Nor­egi, sem SFS tel­ur brjóta gegn stjórn­ar­skrá. Ráðherra er sakaður um að hafa van­rækt efn­is­lega um­fjöll­un um þetta álita­mál.

SFS hafn­ar full­yrðing­um ráðuneyt­is­ins frá 4. apríl um að gagna­beiðnum hafi verið svarað í sam­ræmi við upp­lýs­inga­lög. Sam­tök­in segja eng­an rök­studda synj­un hafa borist, eins og lög kveða á um, og að vinnu­gögn sem ráðuneytið vís­ar til ættu að vera aðgengi­leg sam­kvæmt und­an­tekn­ing­ar­á­kvæði upp­lýs­ingalaga.

Farið gegn regl­um rík­is­stjórn­ar

Þá er sam­ráðsferlið gagn­rýnt fyr­ir að brjóta gegn regl­um rík­is­stjórn­ar­inn­ar, þar sem aðeins vika var gef­in til um­sagna í stað lág­marks tveggja til fjög­urra vikna, án sér­staks rök­stuðnings.

SFS skor­ar á ráðuneytið að bæta úr ágöll­um í stjórn­sýslu, auka gagn­sæi og virða upp­lýs­inga­lög. Vinnu­brögð ráðherra eru sögð óvönduð og mark­miðin óljós, sem grafi und­an trausti í mál­inu.

Tengd­ar frétt­ir

Veiðigjöld

Hluti auðlinda­gjalda í markaðsmál

• „Öll gögn þurfa þá að liggja á borðinu“
• „Hvers vegna ligg­ur svona mikið á?“
• Hanna Katrín: „Mér er nokk­ur vandi á hönd­um“
• Hanna Katrín: „Þessi leiðrétt­ing stend­ur“

» Fleiri tengd­ar frétt­ir

• Blogga um frétt