Mæla gegn neyslu makríls
Setja bókamerki
/frimg/1/56/19/1561995.jpg)
Umhverfissamtök á borð við Marine Conservation Society (MCS) og Alþjóðasjóður villtra dýra (WWF) mæla nú gegn því að neytendur leggi sér til munns makríl sem veiddur er á Norðaustur-Atlantshafi. Vísað er til slæmrar stöðu makrílstofnsins og stöðugrar ofveiði.
Ekki hefur verið samkomulag um skiptingu hlutdeilda í makríl milli strandríkjanna svokölluðu um árabil. Gefa því ríkin sjálfstætt út kvóta til sinna skipa á grundvelli þess hlutfalls sem ríkin telja sig eiga tilkall til á hverjum tíma. Vegna þessa hefur veiði síðustu ára verið langt umfram ráðgjöf Alþjóðahafrannsóknaráðsins (ICES).
MCS vekur athygli á að á níunda og tíunda áratug síðustu aldar hafi meðalafli í makríl verið um 680 þúsund tonn árlega, en gerður fyrirvari um að aflinn hafi verið vantalinn. Ljóst þykir þó að heildarafli skipa þeirra ríkja sem stunda makrílveiðar hafi náð hámarki 2014 þegar veiddust um 1.400 þúsund tonn, en aflinn hefur verið um milljón tonn undanfarin ár.
Viðvarandi ofveiði er sögð ógna stofninum og því er makríll færður í sérstakan áhættu flokk í yfirliti samtakanna yfir sjávarfang. Þannig er mælt gegn því að neytendur kaupi afurðir sem innihalda makríl sem veiddur er á Norðaustur-Atlantshafi.
Skipun Ingu í stjórn HMS ekki lögmæt
Vara við afdrifaríkum afleiðingum
Tæmdu fyrirtæki kerfisbundið
Ólíkir túlkunarkostir á dómstigunum
Stórir árgangar í öðrum skólum gætu staðið illa
Þjóðverjarnir breyta nafni Fríhafnarinnar
Hvað er að gerast á milli Indlands og Pakistan?
Reyndu að fella Vilhjálm á brennivíni, kerlingum og sköttum