Rannsakar ólöglegt fiskeldi veiðifélags

Mat­væla­stofn­un rann­sak­ar nú ólög­legt fisk­eldi í eigu veiðifé­lags á Suður­landi. Stofn­un­inni barst ábend­ing um fisk­eldið og við eft­ir­grennsl­an kom í ljós að fisk­eldi væri viðhaft í húsæði á Suður­landi án rekstr­ar- og starfs­leyfa. 

Við nán­ari at­hug­un kom svo í ljós að veiðifé­lag héldi úti fisk­eld­inu. Veiðifé­lagið æli þar villt seiði í þeim til­gangi að sleppa þeim í veiðiá í vor.

Hús­næðið þar sem starf­sem­in er stunduð upp­fyll­ir ekki skil­yrði laga og reglu­gerða um fisk­eldi auk þess sem vörn­um gegn stroki er ábóta­vant.

Mat­væla­stofn­un hef­ur málið til rann­sókn­ar og mun upp­lýsa um málið að rann­sókn lok­inni.

Annað eins mál kom upp í síðustu viku þegar Mat­væla­stofn­un sektaði veiðifé­lag um 3 millj­ón­ir króna fyr­ir að hafa flutt 15 þúsund seiði í eld­is­stöð sem var hvorki með rekstr­ar- né starfs­leyfi til fisk­eld­is. Þeirri stöð var gert að hætta starf­semi.

Frétt af mbl.is

Fé­lagi gert að greiða 3 millj­ón­ir í stjórn­valds­sekt

• Blogga um frétt