Línuskip Vísis lönduðu í Grindavík

Línu­skip­in Páll Jóns­son GK og Sig­hvat­ur GK sem Vís­ir ger­ir út lönduðu bæði í Grinda­vík í gær. Páll kom með um hundrað tonn og Sig­hvat­ur um 75 tonn.

„Afl­inn var rétt rúm­lega 100 tonn og þetta var ágæt­is milli­fisk­ur. Við vor­um nán­ast all­an túr­inn á Jök­ultung­unni og reynd­ar yst á henni. Alls var lagt þar sex sinn­um og síðan var reynd­ar tek­inn smástubb­ur á Grjót­hryggn­um í lok­in. Það var smá kaldi í upp­hafi túrs en síðan var bara blíða,“ seg­ir Bene­dikt Jóns­son, skip­stjóri á Páli Jóns­syni, í færslu á vef Síld­ar­vinnsl­unn­ar.

Í færsl­unni seg­ist Aðal­steinn Rún­ar Friðþjófs­son, skip­stjóri á Sig­hvati, sátt­ur við páska­t­úr­inn. „Afl­inn hjá okk­ur var um 75 tonn. Helm­ing­ur afl­ans var þorsk­ur en síðan var þetta blandað; langa, keila, ýsa og karfi. Við vor­um í Kollu­áln­um og síðan á Jök­ultungu og Jök­ul­banka. Þetta voru fimm og hálf lögn í túrn­um en hann var styttri en venju­lega vegna þess að eng­inn fisk­ur verður unn­inn hjá Vísi á fimmtu­dag og föstu­dag.”

Páll Jóns­son hélt á ný til veiða í gær­kvöldi og Sig­hvat­ur held­ur til veiða í dag.

• Blogga um frétt