13 ákærðir vegna brota á fiskveiðilögum

Lög­regl­an í Finn­mörk í Nor­egi hef­ur ákært þrett­án ein­stak­linga og átta fyr­ir­tæki tengd sjáv­ar­út­vegi í tengsl­um við rann­sókn þarlendra yf­ir­valda á stór­felldu broti gegn ákvæðum norskra laga um nýt­ingu nátt­úru­auðlinda.

Í um­fangs­mikl­um aðgerðum norskra lög­reglu­yf­ir­valda, norsku fiski­stof­unn­ar (Fisker­idirek­toratet, þarlendra skatta- og tolla­yf­ir­valda og norsku strand­gæsl­unn­ar í síðustu viku voru fleiri hand­tekn­ir og fór fram hús­leit á fleiri stöðum.

Lagt var hald á mikið magn af fiski og kóngakrabba, en grun­ur leik­ur á að fyr­ir­tæk­in hafi af ásetn­ingi og í mikl­um mæli van­talið magn í lönd­un og sölu auk þess að skrá ekki rétt­ar teg­und­ir.

Frétt af mbl.is

Stóraðgerð lög­reglu nyrst í Nor­egi

„Ég get ekki tjáð mig í smá­atriðum um það sem hef­ur komið fram í yf­ir­heyrsl­un­um, en eng­inn hinna ákærðu hef­ur játað sök og jafn­framt tel­ur lög­regl­an að nokkr­ir þeirra hafi með framb­urði sín­um tengt sig við aðstæður sem eru ólög­leg­ar og gætu leitt til refsi­á­byrgðar,“ seg­ir Morten Daae, varðstjóri hjá lög­regl­unni í Finn­mörk, í til­kynn­ingu á vef norsku lög­regl­unn­ar.

Látið var til skar­ar skríða eft­ir leyni­lega rann­sókn sem staðið hafði yfir frá sumr­inu 2024. Fóru fram hús­leit­ir í Le­bes­by, Gam­vik, Tana, Porsan­ger og Hammer­fest.

Biðja al­menn­ing um aðstoð

„Þetta virðist hafa verið gert kerf­is­bundið og skipu­lagt þannig að sjó­menn hafa af­hent meiri fisk og kóngakrabba, annað hvort sem hluti af kerf­inu eða fundið fyr­ir þrýst­ingi til að af­henda meira en fram hef­ur komið í lönd­un­ar- og sölu­skýrsl­um. Við erum að rann­saka alla mat­væla­keðjuna, frá sjó­mönn­um til kaup­enda, til að fá heild­stæða mynd af því hvernig þetta gerðist og ef ein­hver hef­ur þörf fyr­ir upp­lýs­ing­ar eða upp­lýs­ing­ar sem hann vill deila með lög­regl­unni, þá biðjum við viðkom­andi að hafa sam­band við lög­regl­una,“ seg­ir Daae.

Norska lög­regl­an upp­lýs­ir að lagt var hald á nokkra tugi tonna af sjáv­ar­fangi, bæði ferskt og frosið, og að unnið hafi verið að því að rýna í til­kynnt­ar lönd­un­ar­töl­ur til að kanna lög­mæti afl­ans. Jafn­framt er verið að at­huga hvort kóngakrabb­inn hafi veiðst á friðun­ar­tíma­bili.

Þá fannst tölu­vert af kóngakrabba og laxi sem hafði verið geymt fram yfir síðasta neyslu­dag í sömu geymsl­um og hafði verið komið fyr­ir öðrum fersk­um sjáv­ar­af­urðum. Þeim þætti máls­ins hef­ur verið vísað til mat­væla­eft­ir­lits Nor­egs.

Fjöldi stofn­ana og eft­ir­litsaðila komu að aðgerðunum. Meðal ann­ars norska strand­gæsl­an, norksa fiski­stof­an og lög­regl­an. Ljós­mynd/​Fisker­i­driek­toratet

Einnig lagt hald á bók­halds­gögn, tölv­ur og síma, en unnið er að því að fara í gegn­um þær upp­lýs­ing­ar sem í gögn­un­um finn­ast sem kunna að varpa ljósi á málið.

„Við mun­um nú fara yfir bók­halds­bæk­ur, dag­bæk­ur, skýr­ing­ar­gögn og svo fram­veg­is, til að bera sam­an við töl­ur sem veitt­ar eru fisk­veiðiyf­ir­völd­um, skattyf­ir­völd­um, í út­flutn­ings­skjöl­um og fleira þess hátt­ar. Þetta er um­tals­vert verk sem mun halda áfram í marga mánuði. Fiski­stofa, skattyf­ir­völd og tol­lyf­ir­völd munu einnig leggja sitt af mörk­um til þessa verks,“ út­skýr­ir Daae.

Hann seg­ir ekki úti­lokað að fleiri hand­tök­ur kunna að eiga sér stað vegna máls­ins.

Vinna með lög­regl­unni

Norska fiski­stof­an, Fisker­idirek­toratet, var með mann­skap sem tók þátt í aðgerðunum í síðustu viku, sem hóf­ust 23. apríl.

„Við ber­um ábyrgð á eft­ir­liti og eft­ir­liti í fisk­veiðum og aðstoðum lög­regl­una þegar þörf er á fag­legri þekk­ingu okk­ar við rann­sókn­ir. Við höf­um því sent út reynslu­mikla og hæfa skoðun­ar­menn til að stuðla að ít­ar­legri fram­kvæmd,“ út­skýr­ir Kari­anne Moen, deild­ar­stjóri hjá norsku stofn­un­inni, í til­kynn­ingu á vef stofn­un­ar­inn­ar.

Kari­anne Moen, deild­ar­stjóri hjá Fisker­idirek­toratet. Ljós­mynd/​Fisker­idirek­toratet: Marius Fisk­um

Hún seg­ir norsku fiski­stof­una vinna kerf­is­bundið gegn brot­um á fisk­veiðilög­gjöf­inni og bygg­ir sú vinna á áhættu­grein­ingu og söfn­un mik­illa upp­lýs­inga. „Þetta er sérþekk­ing sem er mik­il­væg til að fram­kvæma aðgerðir sem þess­ar vel og sem nýt­ist í sam­starfi við aðrar stofn­an­ir.“

Stofn­un­in vinn­ur nú náið með norsku lög­regl­unni að frek­ari rann­sókn máls­ins meðal ann­ars með því að fara yfir þau gögn sem lagt hef­ur verið hald á og veita ít­ar­leg­ar grein­ing­ar á þeim gögn­um og upp­lýs­ing­um sem liggja fyr­ir í mál­inu, að sögn Moen.

• Blogga um frétt