Á fyrstu þrem­ur mánuðum árs­ins greiddu ís­lensk­ar út­gerðir 2,9 millj­arða króna í veiðigjöld og er það tæp­lega fimmt­ungi meira en á sama tíma­bili í fyrra, en hækk­un­ina má rekja til nú­ver­andi veiðigjalda­kerf­is þar sem álagn­ing tek­ur mið af af­komu veiðanna fyr­ir tveim­ur árum.

Allt síðasta ár greiddu út­gerðirn­ar 10,2 millj­arða í veiðigjald.

Sam­kvæmt gögn­um Fiski­stofu voru inn­heimt­ar 1.097 millj­ón­ir króna í veiðigjöld í mars síðastliðnum sem er þriðjungi meira en í sama mánuði í fyrra. Þá nam álagn­ing slíkra gjalda rúm­lega 971 millj­ón í fe­brú­ar sem var um 10% hærri upp­hæð en í sama mánuði í fyrra, en í janú­ar var upp­hæðin 14% hærri en árið 2024.

 Tóku breyt­ing­um um ára­mót

Um síðastliðin ára­mót tóku veiðigjöld tölu­verðum breyt­ing­um í sam­ræmi við út­reikn­inga á álagn­ingu þess­ara gjalda sem taka mið af af­komu veiða hverr­ar teg­und­ar fyr­ir tveim­ur árum, það er að segja árið 2023.

Hækkaði veiðigjald í krón­um á hvert í kíló á flest­ar teg­und­ir en lækkaði í til­felli ýsu, skötu­sels og skar­kola.

Álagn­ing á upp­sjáv­ar­teg­und­ir jókst veru­lega milli ára, hlut­falls­lega mest í til­felli mak­ríls sem hækkaði um 483% og endaði í 10,43 krón­um á kíló. Þá er veiðigjald á síld 10,09 krón­ur á þessu ári sem er 145% hærra en í fyrra. Auk þess hækkaði veiðigjald á loðnu um 86% í 7,29 krón­ur og kol­munna um 30% í 4,16 krón­ur.

Af fiski­teg­und­um hækkaði gjald mest í krón­um talið í til­felli grá­sleppu, úr engu í 11,31 krónu. Ekki hef­ur verið greitt veiðigjald af grá­sleppu áður og er ástæða þess að veiðarn­ar hafa áður fyrr ekki verið stýrðar með kvóta, en teg­und­in var kvóta­sett með laga­setn­ingu á síðasta ári.

Frétt af mbl.is

Veiðigald á mak­ríl hækkaði um 483%

Tengd­ar frétt­ir

Veiðigjöld

Ófyr­ir­séð hvenær veiðigjöld af­greiðast úr nefnd

• Tala fyr­ir dauf­um eyr­um nefnd­ar­inn­ar
• Hart sótt að at­vinnu­vegaráðherra
• Veiðigjöld­in éta upp arðinn
• Þarf pen­ing til að fjár­magna mis­tök­in

» Fleiri tengd­ar frétt­ir

• Blogga um frétt