30% minni ráðgjöf í síld í Norðursjó

Ráðgjöf alþjóðahaf­rann­sókn­ar­ráðsins (ICES) um há­marks­afla í síld úr Norður­sjó á næsta ári lækk­ar um 30% frá yf­ir­stand­andi ári en eykst 213% í til­felli bris­lings í Norður­sjó og Ska­gerrak.

Ráðið legg­ur til að ekki verði landað meira en 287.772 tonn af síld úr Norðusjó á næsta ári, en ráðgjöf­in var 410.707 tonn vegna árs­ins 2025. Ráðlagður há­marks­afli ekki verið minni síðan 2011. Tvær ástæður eru fyr­ir minni ráðgjöf, ann­ars veg­ar minnk­andi hrygn­ing­ar­stofn og hins veg­ar að nýt­ing­ar­regla var end­ur­skoðuð með þeim af­leiðing­um að viðmið veiðiálags var lækkað.

Þá legg­ur ICES til að ekki verði veitt mer­ia en 236.114 tonn af bris­lingi í Norður­sjó og Ska­gerrak á tíma­bil­inu júlí 2025 til júní 2026, en ráðgjöf vegna yf­ir­stand­andi tíma­bils nam ríf­lega 75 þúsund tonn­um.

Mik­il nýliðun hef­ur átt sér stað í stofn­in­um og hef­ur hún ekki verið betri frá ár­inu 1979, að því er fram kem­ur á vef norsku Hja­f­rann­sókna­stofn­un­ar­inn­ar, Hav­forskn­ings­instituttet.

Í báðum til­fell­um er um að ræða upp­sjáv­ar­stofna sem fleiri strand­ríki nýta.

• Blogga um frétt