Minnkandi þorskveiði og vorskapið byrjað

Páll Jóns­son GK og Sig­hvat­ur GK, línu­skip Vís­is lönduðu ný­lega í heima­höfn í Grind­vík nú í vik­unni. Þetta kem­ur fram á vef Síld­ar­vinnsl­unn­ar sem sló á þráðinn til skip­stjór­anna og spurði frétta.

Jón­as Ingi Sig­urðsson, skip­stjóri á Páli Jóns­syni var bratt­ur eft­ir túr­inn.

„Við lönduðum tæp­um 100 tonn­um sem feng­ust í fimm lögn­um. Við vor­um all­an tím­ann í Háfa­dýp­inu og erum þokka­lega sátt­ir við afla­brögðin. Nú minnk­ar þorskveiðin hjá okk­ur og vorskrapið byrjað, enda var megnið af afl­an­um í túrn­um langa og keila og þorsk­ur ein­ung­is um 20%. Við vor­um heppn­ir með veður, það var kaldi í eina tvo daga en ann­ars blíða. Það gerðist til til­breyt­ing­ar hjá okk­ur að þyrla frá land­helg­is­gæsl­unni kom og við æfðum okk­ur í að taka á móti sig­manni og lækni. Svona æf­ing­ar eru mik­il­væg­ar og það er virki­lega vel að þeim staðið,” sagði Jón­as Ingi.

Aðal­steinn Rún­ar Friðþjófs­son, skip­stjóri á Sig­hvati, bar sig einnig vel. „Við vor­um með um 70 tonn og veiðin hefði mátt vera dá­lítið meiri. Afl­inn var mest langa og síðan bland af ýms­um teg­und­um. Í túrn­um var byrjað á Landsuður­hrauni við Eyj­ar en síðan lá leiðin í Háfa­dýpi, á Síðugrunn og í Meðallands­bugt­ina. Staðreynd­in er sú að menn verða alltaf jafn hissa þegar veiðin minnk­ar á vor­in en það komu all­ir heil­ir heim úr skrap­inu og það er fyr­ir öllu,” sagði Aðal­steinn Rún­ar.

• Blogga um frétt