Mikil afföll í ársbyrjun

Þetta staðfest­ir Karl Stein­ar Óskars­son, deild­ar­stjóri fisk­eld­is hjá MAST. Hann seg­ir af­föll­in vissu­lega hafa verið mik­il í byrj­un árs og það skýrist af nokkr­um þátt­um. Nefn­ir hann sér­stak­lega vetr­arsár og seiðaút­setn­ingu í of kald­an sjó. 

Vetr­arsár til vand­ræða

Vetr­arsár seg­ir Karl hafa verið til tölu­verðra vand­ræða í vet­ur. Sjór­inn í janú­ar hafi farið niður í núll gráður en í mikl­um kulda þreyt­ist fisk­ur­inn frek­ar, fer utan í nót­ina og fær á sig sár. Bakt­ería sem nefn­ist mo­ritella kem­ur gjarn­an í slík sár og veld­ur því að þau versna svo að nauðsyn­legt reyn­ist að taka fisk­inn út og af­lífa hann. Sam­kvæmt Karli hef­ur dregið úr þess­um af­föll­um með hlýn­andi sjó. Meðfylgj­andi skýr­ing­ar­mynd sýn­ir að hlut­fall dauðra laxa var veru­legt í janú­ar og í mars hafði hlut­fallið lækkað nokkuð. „Vetr­arsár hafa verið við Ísland í nokk­urn tíma,“ seg­ir Karl, „en nú eru menn að byrja að reyna að bólu­setja gegn því og við eig­um eft­ir að sjá ein­hvern al­vöru­ár­ang­ur af því, von­andi.“

Máli vísað til lög­reglu

Þá nefn­ir Karl aðra ástæðu þess að af­föll voru svo mik­il, en það er að of seint var lagt í seiðaút­setn­ingu á Aust­fjörðum. „Þarna voru menn að setja út seiði mjög seint á ár­inu, sem hafði slæm­ar af­leiðing­ar í nóv­em­ber, des­em­ber og fram í janú­ar. Þess­ar seiðaút­setn­ing­ar svona seint á ár­inu, lít­il seiði sem fara seint út, það er ekki sniðugt og það ætti að koma í veg fyr­ir það með því að vera ekki að setja seiðin út í of kald­an sjó,“ seg­ir Karl Stein­ar. „Það ættu menn að hafa lært af þess­ari dýru reynslu sinni. Við alla­vega tók­um mjög fast á því máli og vísuðum því til lög­reglu.“