Örygg­is­mál voru í ólagi á tog­veiðiskip­inu Hug­in VE, einu skipa Vinnslu­stöðvar­inn­ar, sem leiddi til þess að akk­eri skips­ins rann út og eyðilagði neyslu­vatns­lögn og ljós­leiðara sem liggja til Vest­manna­eyja. Þetta er niðurstaða Rann­sókn­ar­nefnd­ar sam­göngu­slysa sem hef­ur skilað inn skýrslu um málið.

Hug­inn var á leið til hafn­ar af kol­munna­veiðum í nóv­em­ber 2023 þegar akk­eri skips­ins losnaði og fest­ist í vatns­lögn­inni til Vest­manna­eyja. Hættu­stigi var lýst yfir vegna um­fangs­mik­illa skemmda sem urðu á lögn­inni. Þá kom í ljós að ljós­leiðari Voda­fo­ne hefði einnig slitnað.

Frétt af mbl.is

Hættu­stigi lýst yfir í Eyj­um

Örygg­is­lás var op­inn í sex vik­ur

„Til að akk­eri geti fallið þarf tvennt að koma til. Í fyrsta lagi þarf ör­ygg­is­lás sem held­ur keðjunni og þar með akk­er­inu á sín­um stað að vera ólæst­ur og í öðru lagi þarf bremsa á spili sem híf­ir og slak­ar keðjunni að vera illa eða óhert eða brems­an ekki setið rétt,“ seg­ir í skýrslu nefnd­ar­inn­ar. „Verður því ekki annað séð en hvort tveggja hafi gerst að ör­ygg­is­lás­inn hafi verið op­inn og brems­an illa hert.“ Þá grein­ir nefnd­in frá því að upp­tök­ur ör­ygg­is­mynda­vél­ar um borð í skip­inu sýni að ör­ygg­is­lás á akk­er­inu hafi verið op­inn í sex vik­ur fyr­ir at­vikið. „Það að eng­inn tæki eft­ir að ör­ygg­is­lás­inn væri op­inn bend­ir til þess að áhöfn­in hafi ekki verið meðvituð um mik­il­vægi búnaðar­ins. Bremsa sem var illa eða rang­lega hert, spilið frá­kúplað og ör­ygg­is­lás ekki í stæði býður upp á þá hættu að akk­erið gæti fallið.“

Óheppi­leg staðsetn­ing fyr­ir innviði

Vinnslu­stöðin samdi um starfs­lok við skip­stjóra skips­ins í lok árs 2023, en þá sagði í til­kynn­ingu Sig­ur­geirs B. Krist­geirs­son­ar fram­kvæmda­stjóra Vinnslu­stöðvar­inn­ar að þetta væri í annað sinn sem akk­eri skips­ins hefði losnað með þess­um hætti.

Frétt af mbl.is

Seg­ir skip­stjór­ana hafa van­rækt skyld­ur sín­ar

Rann­sókn­ar­nefnd sam­göngu­slysa hef­ur beint því til Vinnslu­stöðvar­inn­ar að leit­ast verði við því að bæta sam­skipti um borð og milli stjórn­enda út­gerðar­inn­ar. Þá bend­ir nefnd­in á að vatns­lagn­ir, raf­streng­ir og ljós­leiðarar séu mik­il­væg­ir innviðir. Afar óheppi­legt sé að þeir séu staðsett­ir í inn­sigl­ingu hafn­ar þar sem akk­er­is­búnaður sé ör­ygg­is­tæki og til þess sé gripið við óvænt­ar aðstæður.

Tengd­ar frétt­ir

Skemmd­ir á vatns­lögn til Vest­manna­eyja

Mál skip­verj­anna fellt niður og rann­sókn hætt

• Geta bætt tjónið um­fram trygg­ing­ar
• Bær­inn höfðar skaðabóta­mál gegn Vinnslu­stöðinni
• Hafna „um­fram­bót­um“ vegna vatns­lagn­ar til Eyja
• Segja Eyja­menn þurfa að borga

» Fleiri tengd­ar frétt­ir

• Blogga um frétt