465 millj­ón­um út­hlutað

465 millj­ón­um var út­hlutað úr Fisk­eld­is­sjóði til 15 verk­efna í sjö sveit­ar­fé­lög­um en alls bár­ust 30 um­sókn­ir í sjóðinn. Þetta kem­ur fram í til­kynnn­ingu At­vinnu­vegaráðuneyt­is.

Af sveit­ar­fé­lög­un­um sjö hlaut Fjarðarbyggð hæstu styrkupp­hæðina eða sam­tals 134.520.000 krón­ur en sem veitt var til þriggja verk­efna. Hvert verk­efni hlaut 44.840.000 krón­ur en um er að ræða styrk til frá­veit­unn­ar á Eskif­irði, til end­ur­bóta á Íslenska stríðsára­safn­inu og þá var veitt­ur styrk­ur til viðgerða á Fjarðarbyggðar­höll­inni.

Vest­ur­byggð hlaut 95.840.000 krón­ur til þriggja verk­efna. Bygg­ing Bíldu­dals­skóla hlaut 44.840.000 krón­ur, frá­veit­an á Bíldu­dal 7.760.000 krón­ur og frá­veit­an á Pat­reks­firði 7.110.000. Þá var veitt 36.130.000 krón­um til skóla­lóðar Pat­reks­skóla.

Ísa­fjarðarbær hlaut 76.660.000. Tvö verk­efni voru styrkt en Slökkvistöð Ísa­fjarðarbæj­ar var styrkt um 44.840.000 og þá var 31.820.000 krón­um veitt til upp­hit­un­ar á aðal­velli Torf­ness.

Tvö verk­efni á veg­um Súðavík­ur voru styrkt um sam­tals 61.270.000 krón­ur. 2.880.000 voru veitt­ar til aðstöðu við heita potta og 25.660.000 krón­ur fóru til fjár­fest­ing­ar á slökkvi­bif­reið.

Múlaþing var styrkt um 44.840.000 krón­ur sem veitt­ar voru til styrkt­ar stækk­un­ar leik­skól­ans Bjarka­túns á Djúpa­vogi.

43.250.000 krón­ur voru veitt­ar til styrkt­ar tveim­ur verk­efn­um í Bol­ung­ar­vík. Ann­ars veg­ar runnu 40.370.000 í upp­bygg­ingu nýs íbúðahverf­is við Tjarn­ar­kamb í Bol­ung­ar­vík og 2.880.000 krón­ur í göngu­stíga og aðkomu að „Sand­in­um“ við Tjarn­ar­kamb.

Þá voru veitt­ar 8.690.000 krón­ur til Stranda­byggðar fyr­ir hús­næði og geisl­un­ar­búnað vatns­veit­unn­ar.

Á vef Stjórn­ar­ráðsins seg­ir um Fisk­eld­is­sjóð: “Fisk­eld­is­sjóður starfar á grund­velli 7. gr. laga nr. 89/​2019 um töku gjalds vegna fisk­eld­is í sjó og Fisk­eld­is­sjóð. Sjóðnum er ætlað að veita sveit­ar­fé­lög­um styrki til upp­bygg­ing­ar innviða, þar sem fisk­eldi í sjókví­um er stundað, og styrkja þar með sam­fé­lög og stoðir at­vinnu­lífs á þeim svæðum. Stjórn sjóðsins starfar eft­ir starfs­regl­um sjóðsins.”

• Blogga um frétt