Gústaf Baldvinsson hættir hjá Samherja

Gúst­af Bald­vins­son hætt­ir hjá sam­stæðu Sam­herja í júní en hann hef­ur gegnt stöðu fram­kvæmda­stjóra Ice Fresh Sea­food frá stofn­un fé­lags­ins 2007. Þá hef­ur hann verið fram­kvæmda­stjóri Sea­gold í Bretlandi sem hann stofnaði ásamt Sam­herja árið 1996. Þetta kem­ur fram í til­kynn­ingu á vef Sam­herja.

„Það eru for­rétt­indi að hafa fengið að taka þátt í þeirri veg­ferð sem vöxt­ur Sam­herja hef­ur verið síðustu 30 árin,“ seg­ir Gúst­af. „Ég hef orðið þeirr­ar gæfu aðnjót­andi að vinna með framúrsk­ar­andi fólki á öll­um víg­stöðum og hverf ég þakk­lát­ur frá borði vit­andi að ég skil við fé­lagið í góðum hönd­um. Ég er sann­færður um það að með þann mannauð sem fyr­ir­tækið býr að verður framtíð þess áfram björt.“

Ice Fresh Sea­food sér um sölu á afurðum Sam­herja, Öldu Sea­food, Síld­ar­vinnsl­unn­ar og Vís­is en fé­lagið sel­ur ár­lega 80-100 þúsund tonn af afurðum að verðmæti 55-70 millj­arða króna. Hjá Ice Fresh Sea­food og dótt­ur- og sam­rekstr­ar­fé­lög­um starfa um 130 manns á níu starfs­stöðvum í fimm lönd­um.

Her­mann Stef­áns­son tek­ur við starfi fram­kvæmda­stjóra Ice Fresh Sea­food. Her­mann er sjáv­ar­út­vegs­fræðing­ur að mennt og hef­ur starfað við sjáv­ar­út­veg um ára­bil. Þá tek­ur Orri Gúst­afs­son við starfi fram­kvæmda­stjóra Sea­gold og verður staðsett­ur í Bretlandi. Orri er sjáv­ar­út­vegs­fræðing­ur með MBA í alþjóðaviðskipt­um en hann hef­ur starfað hjá Sam­herja og dótt­ur­fé­lög­um frá 2009.

• Blogga um frétt