„Ég hef ekki orðið var við neinn meginágreining“

Guðmund­ur til­kynnti um af­sögn sína á fundi fram­kvæmdaráðs SFS í gær en í til­kynn­ingu frá hon­um seg­ir að ástæðan sé sú að áhersl­ur hans í starfi sam­tak­anna njóti hvorki stuðnings Heiðrún­ar Lind­ar Marteins­dótt­ur fram­kvæmda­stjóra SFS né fé­laga hans í for­ystu sam­tak­anna. Tel­ur hann því best fyr­ir sam­tök­in að hann segi sig úr for­ystu þeirra

Frétt af mbl.is

Guðmund­ur hætt­ir sem formaður SFS

„Ég tel það hlut­verk sam­tak­anna að fræða og upp­lýsa al­menn­ing og full­trúa þeirra á hverj­um tíma í stjórn­mál­um og op­in­berri stjórn­sýslu um aðstæður til verðmæta­sköp­un­ar í sjáv­ar­út­vegi,“ seg­ir hann. Guðmund­ur sinnti for­mann­sembætt­inu aðeins í rúma tvo mánuði en hann hlaut kjör í það á aðal­fundi sam­tak­anna í byrj­un apríl.

Gunnþór Ingva­son for­stjóri Síld­ar­vinnsl­unn­ar er vara­formaður og seg­ir eng­an klofn­ing kom­inn upp í SFS.

„Ég held að það megi ekki túlka þetta þannig, hann er ekk­ert að fara út úr sam­tök­un­um og verður áfram með okk­ur í þeim,“ seg­ir Gunnþór.

Þá seg­ist hann ekki átta sig á því í hverju áherslumun­ur­inn sem Guðmund­ur lýs­ir fel­ist.

„Ég hef ekki orðið var við neinn megin­á­grein­ing inn­an sam­tak­anna enda held ég að all­ir sem í sam­tök­un­um eru hafi sömu ástríðu og hag af því að ís­lensk­ur sjáv­ar­út­veg­ur fái að blómstra.“

Aðspurður seg­ist Gunnþór ekki halda að skoðanamun­ur í veiðigjalda­mál­inu liggi að baki af­sögn­inni, Guðmund­ur hafi tjáð sig með svipuðum hætti og aðrir inn­an SFS um það.

Spurður hvort tíma­setn­ing af­sagn­ar­inn­ar sé óheppi­leg í ljósi þess að sam­tök­in standi nú í miklu stappi við rík­is­stjórn lands­ins vegna veiðigjalda­frum­varps­ins seg­ir Gunnþór eng­an tíma vera góðan „þegar gott fólk treyst­ir sér ekki leng­ur til að vera með þér“, en að þetta komi ekki til með að breyta öllu í þeirri umræðu sem nú er í gangi. „Það er í þess­um sam­tök­um eins og öllu. Það kem­ur maður í manns stað.“