Gunnþór tekur við formennsku í SFS

Gunnþór Ingva­son, for­stjóri Síld­ar­vinnsl­unn­ar hf., er nýr formaður Sam­taka fyr­ir­tækja í sjáv­ar­út­vegi, SFS. Hann mun gegna for­mensku fram að næsta aðal­fundi. Gunnþór var áður vara­formaður sam­tak­anna. 

Þetta kem­ur fram í til­kynn­ingu frá SFS.

Frétt af mbl.is

„Ég hef ekki orðið var við neinn megin­á­grein­ing“

Harma að leiðir skilji á þess­um tíma­punkti

Stjórn SFS fundaði í dag. Á fund­in­um var samþykkt ný skip­an í embætti og stjórn­arein­ing­ar sam­tak­anna í sam­ræmi við samþykkt­ir.

Eins og fyrr seg­ir tek­ur Gunnþór við for­mennsku. Þá var samþykkt að Ægir Páll Friðberts­son, rit­ari SFS og for­stjóri Ice­land Sea­food ehf., taki við vara­for­mennsku og að Anna Guðmunds­dótt­ir, fjár­mála­stjóri Gjög­urs hf., taki við embætti rit­ara sam­tak­anna.

Einnig var samþykkt að Daði Hjálm­ars­son, fram­kvæmda­stjóri KG fisk­verk­un­ar hf., taki sæti í fram­kvæmdaráði sam­tak­anna. Stjórn samþykkti einnig kjör Friðriks Friðriks­son­ar, fram­kvæmda­stjóra mannauðssviðs Brims hf., í stjórn sam­tak­anna.

„Stjórn Sam­taka fyr­ir­tækja í sjáv­ar­út­vegi þakk­ar Guðmundi Kristjáns­syni, frá­far­andi for­manni, fyr­ir sam­starfið í for­ystu­sveit sam­tak­anna. Fram­lag Guðmund­ar til sjáv­ar­út­vegs og sam­tak­anna í gegn­um tíðina er mikið. Stjórn­in harm­ar að leiðir skilji á þess­um tíma­punkti en Guðmund­ur verður áfram þátt­tak­andi í starfi sam­tak­anna sem öfl­ug­ur fé­lags­maður

Sam­taka­mátt­ur og samstaða um starfs­skil­yrði ís­lensks sjáv­ar­út­vegs er og verður leiðin fram á við til auk­inn­ar verðmæta­sköp­un­ar. Stjórn sam­tak­anna ósk­ar Guðmundi velfarnaðar fram veg­inn við áfram­hald­andi upp­bygg­ingu sjáv­ar­út­vegs á Íslandi,“ seg­ir í til­kynn­ing­unni.  

• Blogga um frétt