Vil­hjálm­ur Birg­is­son, formaður Starfs­greina­sam­bands­ins, seg­ir að veiðigjalda­frum­varpið sé byggt á skekkt­um út­reikn­ingi og sé hættu­leg stefna gegn lands­byggðinni.

„Þegar stjórn­völd kynntu fyr­ir­hugaðar breyt­ing­ar á veiðigjöld­um var því haldið fram að um sann­gjarna og hóf­lega hækk­un væri að ræða. En þegar málið er skoðað nán­ar – og rýnt til gagn­rýn­inn­ar skoðunar með aðkomu þeirra stofn­ana sem hafa yf­ir­um­sjón með gjald­inu sjálfu – blas­ir við óþolandi skekkja og al­var­leg­ar af­leiðing­ar.“

Þetta kem­ur fram í færslu Vil­hjálms á Face­book. 

Rúm­lega 120% hækk­un veiðigjalda

Hann seg­ir skekkj­una staðfesta og hana vera gríðarlega. Upp­haf­lega hafi verið kynnt að veiðigjaldið myndi hækka úr 29 krón­um í 47 krón­ur á hvert þorskí­gildis­kíló. Aft­ur á móti meti Skatt­ur­inn, sem reikn­ar ár­lega út veiðigjöld­in, að gjaldið fari í 64 krón­ur. Það sé 36,2% hærra en frum­varpið sagði. Úr 29 krón­um í 64 krón­ur er því 120,7% hækk­un.

„Þetta er ekki minni­hátt­ar villa í mati – þetta er tvö­föld­un og rúm­lega það á gjaldi sem leggst þungt á grunn­atvinnu­grein þjóðar­inn­ar,“ skrif­ar hann og bæt­ir við:

„Lands­byggðin und­ir árás. Það er langt frá því að þessi gjald­taka legg­ist jafnt á sam­fé­lagið. Um 86% af öll­um skatt­tekj­um af sjáv­ar­út­vegi koma frá lands­byggðinni. Þessi breyt­ing bitn­ar mest á fólki í fisk­vinnslu, sjó­mennsku og í af­leidd­um störf­um í sjáv­ar­pláss­um um allt land.“

Frétt af mbl.is

Veiðigjöld­in enn veru­lega van­met­in

Skatt­lagn­ing­in skap­ar hvata­leysi

Hann bend­ir á það að fjöldi sveit­ar­fé­laga hafi lýst yfir áhyggj­um af þess­ari veru­legu skatta­hækk­un og að menn ótt­ist samþjöpp­un í sjáv­ar­út­vegi.

„Það sem ger­ir málið enn al­var­legra er það hvata­leysi sem skatt­lagn­ing­in skap­ar. Með veiðigjaldi sem geng­ur nærri öll­um hagnaði, hverf­ur hvati til fjár­fest­inga í ný­sköp­un og búnaði, fjölg­un­ar starfa og hækk­un­ar launa í grein­inni.

Ég tel að stjórn­völd eigi alltaf að skapa fyr­ir­tækj­um góð rekstr­ar­skil­yrði – þannig verða þau sam­keppn­is­hæf, geta vaxið, fjölgað störf­um og borgað starfs­fólki góð laun. Það ger­ist ekki með of­ur­skatt­lagn­ingu,“ skrif­ar hann.

„Þetta frum­varp er van­reiknað“

Hann seg­ir nauðsyn­legt að staldra við þar sem frum­varpið sé byggt á röng­um for­send­um, skatt­ur­inn sé mun hærri en stjórn­völd hafa boðað.

„Við þurf­um að horf­ast í augu við staðreynd­ir: þetta frum­varp er van­reiknað, það bitn­ar fyrst og fremst á lands­byggðinni og það dreg­ur úr mögu­leik­um grein­ar­inn­ar til að vaxa og dafna.“

Tengd­ar frétt­ir

Veiðigjöld

Lýsa al­var­leg­um áhyggj­um fyr­ir aust­an

• Kosti Vest­manna­eyj­ar hátt í 2 millj­arða
• Þjóðin njóti þegar hlut­deild­ar af af­komu veiða
• Seg­ir viðbrögð sveit­ar­fé­laga koma á óvart
• Lýsa yfir von­brigðum með breyt­ing­arn­ar

» Fleiri tengd­ar frétt­ir

• Blogga um frétt