Bald­vin Þor­steins­son hef­ur tekið við starfi for­stjóra Sam­herja hf. af föður sín­um, Þor­steini Má Bald­vins­syni, sem hef­ur gegnt embætt­inu frá stofn­un fé­lags­ins árið 1983. Skipt­in marka þátta­skil í sögu fyr­ir­tæk­is­ins. Ný kyn­slóð tek­ur nú við for­ystu eins stærsta sjáv­ar­út­vegs­fyr­ir­tæk­is lands­ins.

Bald­vin var ráðinn í starfið fyrr í mánuðinum af stjórn fé­lags­ins og lýs­ir hann miklu þakk­læti fyr­ir traustið sem hon­um er sýnt. „Eins og marg­ir Ak­ur­eyr­ing­ar byrjaði ég ung­ur að árum að vinna hjá Sam­herja og hef gegnt marg­vís­leg­um störf­um hjá fé­lag­inu í gegn­um árin. Ég hef því kynnst fé­lag­inu, innviðum þess og starfs­fólk­inu smám sam­an og nú síðustu tvö árin sem stjórn­ar­formaður Sam­herja. Þá hef­ur náið sam­starf okk­ar feðga verið mik­il­vægt og gef­andi. Ég bind von­ir við að þessi reynsla og ólík störf í at­vinnu­líf­inu á und­an­förn­um árum verði gott vega­nesti fyr­ir mig í starfi for­stjóra. Hjá fyr­ir­tæk­inu er mik­ill mannauður, það skipt­ir auðvitað mestu máli,“ seg­ir Bald­vin.

Við stjórn­ar­skipt­in tók Jón Sig­urðsson, fyrr­ver­andi for­stjóri Öss­ur­ar hf., við for­mennsku í stjórn Sam­herja. Jón er eng­inn nýgræðing­ur í þess­um efn­um, en hann sat áður í stjórn fé­lags­ins á ár­un­um 2002–2006.

Bald­vin Þor­steins­son for­stjóri Sam­herja ásamt stjórn: Kristján Vil­helms­son, Dagný Linda Kristjáns­dótt­ir vara­formaður, Jón Sig­urðsson formaður, Ásta Dís Óla­dótt­ir, Óskar Magnús­son. Ljós­mynd/​Sam­herji

Fólkið lyk­il­inn að ár­angri

Sam­herji stend­ur í dag á traust­um grunni, að sögn Bald­vins, og hann hyggst halda áfram á þeirri braut sem lögð hef­ur verið. Hann seg­ir að áfram­hald­andi ár­ang­ur fé­lags­ins muni byggj­ast á öfl­ugri liðsheild. „Hjartað í rekstr­in­um er að sjálf­sögðu starfs­fólkið. Árang­ur­inn bygg­ist fyrst og fremst á þekk­ingu og metnaði þess. Ég hlakka til að vinna við hlið öfl­ugr­ar áhafn­ar, þar sem val­inn maður er í hverju rúmi og marg­ar áskor­an­ir í far­vatn­inu. Við kepp­um á alþjóðleg­um mörkuðum og ís­lensk­ur sjáv­ar­út­veg­ur hef­ur alla burði til að vera áfram leiðandi á heimsvísu að því gefnu að ís­lensk stjórn­völd búi grein­inni gott og fyr­ir­sjá­an­legt rekstr­ar­um­hverfi,“ seg­ir Bald­vin.

Bald­vin Þor­steins­son er fædd­ur árið 1983 á Ak­ur­eyri og er menntaður iðnaðar­verk­fræðing­ur frá Há­skóla Íslands. Hann hóf störf hjá Sam­herja eft­ir út­skrift árið 2007 en hafði áður sinnt ýms­um störf­um hjá fé­lag­inu frá barns­aldri. Hann var for­stjóri Jarðbor­ana hf. um þriggja ára skeið og leiddi stofn­un og upp­bygg­ingu Alda Sea­food í Hollandi. Und­an­far­in ár hef­ur hann stýrt skrif­stofu þess fé­lags í Osló, Nor­egi.

Auk þess hef­ur hann setið í stjórn­um fjöl­margra fyr­ir­tækja, þar á meðal sem stjórn­ar­formaður Eim­skips og Olís, og sinn­ir nú stjórn­ar­setu í bæði inn­lend­um og er­lend­um fyr­ir­tækj­um tengd­um sjáv­ar­út­vegi og mat­vælaiðnaði.

Tengd­ar frétt­ir

Sam­herji

„Sú vinna hefst í fram­hald­inu“

• Rann­sókn á Sam­herja­mál­inu lokið
• Mak­ríl­vertíðin haf­in og stemn­ing­in góð
• Nýir hler­ar Vil­helms stand­ast vænt­ing­ar
• 80 ár frá upp­hafi ÚA

» Fleiri tengd­ar frétt­ir

• Blogga um frétt