Allt of mikil og skyndileg hækkun

„Mín afstaða hef­ur verið sú all­an tím­ann að ég tel þetta allt of geyst farið í hlut­ina. At­vinnu­lífið hef­ur mikl­ar áhyggj­ur af þessu, í Hornafirði, Vest­manna­eyj­um og í Grinda­vík,“ seg­ir Karl Gauti Hjalta­son, þingmaður Miðflokks­ins í Suður­kjör­dæmi, í sam­tali við mbl.is.

Hækk­un veiðigjalds­ins seg­ir hann að muni hafa mik­il áhrif í sínu kjör­dæmi, Suður­kjör­dæmi, en fjöldi sjáv­ar­út­vegs­fyr­ir­tækja starfar á Suður­landi.

Frum­varp um hækk­un veiðigjalda var ekki á dag­skrá þings­ins á síðasta þing­fundi, en það er eitt af þyngri mál­um sem liggja fyr­ir á Alþingi. Þingið kem­ur aft­ur sam­an á morg­un.

„Suður­kjör­dæmi er það kjör­dæmi sem greiðir lang­mest veiðigjöld og Vest­manna­eyj­ar eru á toppn­um þar í bæj­ar­fé­lög­um. Menn hafa áhyggj­ur af áhrif­um á sam­fé­lög­in og hafa viðrað þær áhyggj­ur í um­sögn­um. Skinn­ey-Þinga­nes var með um 600 millj­óna króna hagnað í fyrra. Nú sér fyr­ir­tækið fram á, ef veiðigjalda­frum­varpið verður samþykkt óbreytt, að það verði eng­inn hagnaður,“ seg­ir Karl Gauti.

„Ég er al­veg til­bú­inn að skoða að samþykkja jafn­vel ein­hverja hækk­un en þetta er allt of mik­il hækk­un sem kem­ur mjög skyndi­lega. Svo er bara ekki búið að greina áhrif­in á meðal­stór­ar og minni út­gerðir,“ seg­ir Karl.

Karl Gauti seg­ir að það verði að hugsa um at­vinnu­lífið og veita því viðun­andi skil­yrði þannig að það geti rekið sig áfram. „Þetta lend­ir á mjög mörg­um meðal­stór­um og litl­um út­gerðum,“ seg­ir hann. 

Frétt af mbl.is

Fjár­fest­ing­um þegar frestað víða um land

Góðar breyt­ing­ar­til­lög­ur

„Ég vona bara að þetta verði af­greitt sem fyrst. Það er búið að útræða þetta mál al­gjör­lega,“ seg­ir Eyj­ólf­ur Ármanns­son, innviðaráðherra og þingmaður Flokks fólks­ins í Norðvest­ur­kjör­dæmi, við mbl.is.

Hann kveðst vera mjög ánægður með breyt­ing­ar­til­lög­urn­ar sem hafi verið gerðar og finnst nefndarálitið mjög sterkt. 

„Það voru góðar breyt­ing­ar­til­lög­ur um 65% af fyrstu 15 millj­ón­um og 45% af­slátt­ur af næstu 55 millj­ón­um,“ bend­ir Eyj­ólf­ur á. 

„Ég tel að þetta sé rétt­látt frum­varp. Það er mik­il­vægt að það komi rétt­látt af­gjald af auðlindar­ent­unni í sam­eig­in­lega sjóði lands­manna. Mér finnst það bara sann­gjarnt,“ seg­ir Eyj­ólf­ur Ármanns­son innviðaráðherra.

Tryggja verði fyr­ir­sjá­an­leika

Halla Hrund Loga­dótt­ir seg­ist telja rétt­látt að tryggja sann­gjarna dreif­ingu afrakst­urs á tak­mörkuðum gæðum og tel­ur að þjóðin eigi að fá auk­inn skerf. Halla Hrund er þingmaður Fram­sókn­ar­flokks­ins í Suður­kjör­dæmi, en hún svaraði fyr­ir­spurn mbl.is um fyr­ir­hugaða hækk­un veiðigjalda.

Halla seg­ir svig­rúm vera til staðar til að hækka veiðigjöld­in en það verði að gera í góðri sam­vinnu og á grunni vandaðra grein­inga.

„Útgerðir eru mis­jafn­ar, stór­ar og litl­ar, og áhrif­in á sam­fé­lög­in sem þær starfa í eru ólík. Í mörg­um eru þær burðarás í at­vinnu­neti og ný­sköp­un, svo sem á Höfn og í Vest­manna­eyj­um, og bera mikla sam­fé­lags­lega ábyrgð. Um­gjörð auðlinda­mála, sem sagt auðlinda­gjöld, á al­mennt að vera hönnuð til að vera fyr­ir­sjá­an­leg,“ seg­ir Halla Hrund. Hún seg­ir mik­il­vægt að ekki séu kollsteyp­ur á milli kjör­tíma­bila held­ur fyr­ir­sjá­an­leiki fyr­ir rekst­ur í alþjóðlegri sam­keppni. 

„Ég er sann­færð um að hægt er að finna leið sem eyk­ur ábata af sjáv­ar­út­vegi til þjóðar­inn­ar og stuðlar að blóm­leg­um byggðum. Það krefst sam­ráðs og sam­vinnu milli allra flokka, fag­legra grein­inga og lang­tíma­sýn­ar. Þjóðin og sam­fé­lög­in hring­inn í kring­um landið eiga skilið að við vönd­um okk­ur,“ seg­ir Halla Hrund. 

Frétt af mbl.is

Með bögg­um hild­ar yfir lands­byggðinni

• Blogga um frétt