Sæplast Ísland ehf

Helstu upplýsingar

Starfsemin

Sæplast er leiðandi á heimsvísu í framleiðslu á margnota plastumbúðum. Frægust eru Sæplast kerin sem eru bæði til fyllt með Polyurethan frauði til einangrunar eða með freyddu polyethylene fyrir aukinn styrk. Vörur okkar eru þekktar sökum framúrskarandi endingar og víðfems vöruframboðs sem þjónar sjávarútvegi, matvælavinnslum og ýmiskonar endurvinnslustarfsemi.

Sæplast Dalvík er í fararbroddi í heiminum í hönnun og framleiðslu á hverfisteyptum einangruðum umbúðarkerum sem nota má undir allar tegundir matvæla sem framleiddar eru í veröldinni. Við framleiðum fjölbreytt úrval kera og bretta undir hinu heimsþekkta vörumerki SæplastTM.

Saga fyrirtækisins

Sæplast hf var stofnað a Dalvík 28 febrúar 1984. Tilgangurinn var að auka fjölbreytileika atvinnulífsins á Dalvík. Fyrirtækið fór fljótt í útflutning með frábærum árangri. Fyrirtækið stækkaði ört með sameiningum og kaupum á öðrum fyrirtækjum í plastiðnaði. 2007 var nafni framleiðslueiningarinnar á Dalvík breytt í Promens Dalvík ehf. Þegar Promens sameinaðist RPC Group 2015 var nafni verksmiðjunnar aftur breytt í Sæplast. RPC-Group er stærsti plastvöruframleiðandi í Evrópu með yfir 40 verksmiðjur í 15 löndum.