Kóreski bílaframleiðandinn Genesis – lúxusmerki Hyundai – kynnti nýverið hugmynd að nýju þarfaþingi fyrir hundaeigendur. Um er að ræða aukabúnað fyrir GV70-sportjeppann þar sem blandað er saman upphituðu fleti, rafknúinni sturtu, hárþurrku, geymsluplássi fyrir mat og vatn handa seppa, og rampi fyrir hundinn að nota til að stíga inn í og út úr skottinu.
Ekki fylgir sögunni hvað settið myndi kosta eða hvort það er yfirhöfuð líklegt að varan fari á markað. ai@mbl.is