Skíðin gerð klár á vetrarhátíð Heklu

Hekla efn­ir til vetr­ar­hátíðar á morg­un, laug­ar­dag­inn 25. janú­ar, og verður þar mikið líf og fjör. Í sýn­ing­ar­saln­um á Lauga­veg­in­um verða kynnt­ir nýr Skoda Kodiaq Sportline og nýr Skoda Kamiq en að auki verður gest­um boðið að fá vaxmeðferð (prepp) fyr­ir göngu­skíði sér að kostnaðarlausu.

Í til­kynn­ingu seg­ir að Árni Tryggva­son skíðagöngu­kenn­ari, og einn af fær­ari skíðaprepp­ur­um lands­ins, verði á staðnum til að dekra við skíði hátíðargesta auk þess að vera þeim inn­an hand­ar með hvers kyns ráðlegg­ing­ar um göngu­skíðaiðkun. Jafn­framt verður efnt til fyr­ir­lestra um hleðslu í vetr­ar­veðrum og hald­in kynn­ing á dekkja­hót­eli Dekkja­söl­unn­ar. Blaðrar­inn skemmt­ir börn­un­um og boðið verður upp á vöffl­ur, kaffi og kakó.

Stutt er síðan hul­unni var svipt af ann­arri kyn­slóð Kodiaq Sportline en Hekla seg­ir þar á ferð sport­leg­an fjöl­skyldu­bíl með kraft­mikið út­lit og nóg pláss fyr­ir fjöl­skyld­una og ferðalagið.

Ný og upp­færð út­gáfa frá Skoda Kamiq ætti að vekja at­hygli en Kamiq var einn mest seldi bíll síðasta árs og hef­ur núna fengið upp­fært út­lit sem sést m.a. á skarp­ari lín­um og fram­ljós­um.

Vetr­ar­hátíðin á laug­ar­dag stend­ur yfir frá 12 til 16.

Leiðrétt­ing: Fyr­ir mis­tök birt­ist upp­haf­lega mynd af farþega­rými Kamiq þar sem átti að vera mynd af inn­rétt­ingu Kodiaq. Mynd­inni hef­ur nú verið breytt.