Fyr­ir loft­hrædda, bíl­veika og rúss­íbana­fælna móður á fer­tugs­aldri eru skemmtig­arðar ekki endi­lega drauma­áfangastaðir í frí­inu. En hvað ger­ir maður ekki fyr­ir börn­in?

Átta manna hóp­ur, fjór­ir full­orðnir og fjög­ur börn, ákvað í sinni fyrstu Flórída­ferð að fjár­festa í tveggja daga miðum í Uni­versal-garðinn. Reynd­ar er ekki rétt að tala um Uni­versal í ein­tölu, því þetta eru í raun tveir garðar. Við keypt­um miða í garðana tvo sem tengd­ir eru sam­an með lest – Hogw­arts-lest­inni. Það var góð ákvörðun að taka tveggja daga passa, minna stress þegar þarf ekki að „klára“ að fara í öll helstu tæki á ein­um degi.

Garðarn­ir heita Uni­versal Studi­os og Is­lands of Advent­ure og það þarf að vera með sér­stak­an tveggja garða miða til að kom­ast í þá báða. Reynd­ar líka hægt að kaupa þriggja garða passa og fara þá í vatns­renni­braut­arg­arðinn Volcano Bay, en við sleppt­um hon­um.

Græni Hulk-rúss­íban­inn er ægi­lega stór. Þau hug­rökk­ustu úr hópn­um fóru marg­ar ferðir en ég lét mér nægja að horfa á og hlusta á æs­ing­söskrin. Ljós­mynd/​Uni­versal Studi­os

Harry Potter alltumlykj­andi

Uni­versal hef­ur passað vand­lega uppá að aðdrátt­ar­afl Harry Potters nýt­ist báðum skemmtigörðum því hlut­ar galdra­ver­ald­ar­inn­ar eru í hvor­um garði fyr­ir sig. Vilji fólk upp­lifa það að ganga eft­ir stræt­um Hogs­mea­de líkt og þeim er lýst í verk­um J.K. Rowl­ing en líka heim­sækja Skástræti (e. Diagon Alley) og sjá drek­ann á toppi Gringott-banka spúa eldi (í al­vöru) af þak­inu dug­ar því ekki að kaupa miða í ann­an garðinn.

Í grunn­inn er vænt­an­lega sama hug­mynd­in á bak við alla skemmtig­arða – að skemmta fólki. Uni­versal tek­ur þessa hug­mynd inn í aðra vídd því hvert ein­asta tæki er ákveðin upp­lif­un. Hvert tæki hef­ur sitt ákveðna þema sem er tengt t.d. kvik­mynd, teikni­myndafíg­úr­um eða skálduðum per­són­um. Þarna er til dæm­is að finna The Mum­my-rúss­íbana (sem ég lét mig hafa en var þó held­ur mikið af hinu góða), Simp­sons-reið (e. ride), Hulk-rúss­íbana, Harry Potter-rúss­íbana, Spi­derm­an upp­lif­un í þrívídd og svo mætti lengi telja.

Fyr­ir fólk sem fær ekk­ert nema ógleði út úr því að fara í hraðskreið tæki þá er E.T. reiðin til­val­in. Þar er hægt að lifa sig inn í sög­una, fá skila­boð frá Steven Spiel­berg og láta eins og maður sé í miðri kvik­mynd með því að svífa yfir sögu­sviðið á nokk­urs kon­ar reiðhjóli. Eng­inn rúss­íbani, held­ur bara þægi­leg ferð.

Harry Potter-svæðin í görðunum tveim­ur eru stór­brot­in, ekki bara vegna þess að þar líður fólki sem það stígi inn í galdra­ver­öld­ina held­ur ekki síst fyr­ir mann­lífið. Þar má sjá gesti í full­um skrúða; galdra­skikkj­um og með sprot­ann á lofti. Víða er líka hægt að stoppa og sveifla galdra­sprota. Þá t.d. kvikna ljós í glugg­um, fíg­úr­ur fara að syngja, vatn skýst úr gos­brunni og fleira. Allt út­búið með hrey­fiskynj­ur­um sem virkj­ast þegar sprota er sveiflað á rétt­um stað.

Það er ekki annað hægt en að bera virðingu fyr­ir ástríðunni sem ein­kenn­ir ein­læga Harry Potter-aðdá­end­ur. Að vera í síðri, svartri skikkju í 30 stiga hita og steikj­andi sól er al­vöru! Í það minnsta hefði ég ekki treyst mér til þess, valdi þess í stað hefðbundn­ari Flórída-klæðnað: stutt­bux­ur, banda­skó og hlýra­bol. Samt var kær­komið að kæla sig í Stjána bláa báts­ferðinni þar sem óhjá­kvæmi­legt var að blotna frá toppi til táar.

Heim­ur kvik­mynda er svo óend­an­lega um­fangs­mik­ill og ferð í Uni­versal sýn­ir vel hvernig góðar bíó­mynd­ir, teikni­mynd­ir, sjón­varpsþætt­ir eða bara eft­ir­minni­leg­ar skáldaðar per­són­ur geta átt ei­líft fram­halds­líf.

Í Uni­versal má víða sjá börn og full­orðna í full­um galdra­manna­skrúða. Heit­ustu Harry Potter-aðdá­end­ur láta steikj­andi Flórída-hita ekki stoppa sig í að klæðast skósíðri galdra­skikkju og trefli af sinni upp­á­halds heima­vist í Hogw­arts. Ljós­mynd/​Uni­versal Studi­os

Tengd­ar frétt­ir

Ferðaráð

Lauga­veg­ur­inn á æv­in­týralista The Guar­di­an

• Leyni­bær­inn í Sviss sem þú þarft að heim­sækja
• Fimm æðis­leg­ar borg­ir í sum­ar­frí­inu
• 5 skot­held ráð fyr­ir út­skrift­ar­ferðina
• Hend­ir öllu á svefn­her­berg­is­gólfið fyr­ir ferðalagið

» Fleiri tengd­ar frétt­ir