Glæsi­leg­ur (e. glamp­ing) hafa auk­ist í vin­sæld­um á síðustu árum. Glæsi­lega er í grunn­inn úti­lega með öll­um helstu lífs­gæðum sem finn­ast al­mennt ekki í úti­legu. Hér á Íslandi eru glæsi­leg­ur í boði á nokkr­um stöðum um landið. 

Í glæsi­legu er sofið, eins og nafnið gef­ur til kynna, í tölu­vert glæsi­leg­um tjöld­um. Tjöld­in eru gjarn­an upp­hituð og með al­menni­leg­um rúm­um í og al­menni­leg­um sæng­um og kodd­um eins og á besta hót­eli.

Orig­inal North

Orig­inal North er staðsett á Vaði í Þing­eyj­ar­sveit. Boðið er upp á fal­lega inn­réttuð tjöld með hús­gögn­um, upp­á­bún­um rúm­um, hita, raf­magni og þráðlausu neti. Á svæðinu er aðstöðuhús með snyrt­ing­um og sturt­um. Morg­un­mat­ur er fram­reidd­ur í upp­gerðri hlöðu á svæðinu þar sem lögð er áhersla á nýta afurðir af svæðinu. Grillaðstaða er á svæðinu en einnig eru létt­ar veit­ing­ar seld­ar á svæðinu.

Camp Bout­ique

Camp Bout­ique er staðsett á Lofts­stöðum Vestri í Gaul­verja­hreppi. Jörðin hafði verið í eyði í ára raðir þegar fjöl­skyld­an tók sig sam­an og gerði upp gamla bæ­inn sem hafði eyðilagst í Suður­lands­skjálft­an­um árið 2000. Þau bjóða upp á tvær týp­ur af tjöld­um, tveggja manna tjöld og fjöl­skyldu tjöld. Þau eru hönnuð fyr­ir ís­lensk­ar aðstæður og eru upp­hituð með raf­magn­sofn­um. Upp­á­bú­in rúm eru í tjöld­un­um og dýn­urn­ar eru upp­hitaðar. Sal­erni og sturtuaðstöðu er að finna í þjón­ustu­hús­inu. 

Glamp­ing í Þórs­mörk

Þórs­mörk er vin­sæll áfangastaður úti­vistar­fólks og nú geta þeir sem ekki eru hrifn­ir af hinni hefðbundnu úti­legu líka dvalið þar. Volcano Trails bjóða meðal ann­ars upp á gist­ingu í lúx­ustjöld­um en fyr­ir­tækið sér líka um að ferja ferðamenn yfir í Þórs­mörk. Þau bjóða upp á fal­lega inn­réttuð tjöld með upp­á­bún­um rúm­um. Tjöld­in eru upp­hituð. Veit­ingastaður­inn, bar­inn og sam­eig­in­leg sturt­ur, gufubað og sal­ern­isaðstaða er staðsett ör­stutt frá tjöld­un­um. Sam­eig­in­leg bað og sal­ern­isaðstaða.

Ice­land Yurt

Ice­land Yurt er staðsett á Eyjaf­irðinum. Þau bjóða upp á ekta yurt-tjöld frá Mong­ól­íu og eru tjöld­in inn­réttuð í mong­ólsk­um stíl. Tjöld­in eru búin upp­á­bún­um rúm­um og eru hituð upp með lít­illi kamínu.

Tengd­ar frétt­ir

Ferðafé­lag Íslands

„Það er miklu betra að fara ekki í bað“

• 5 skemmti­leg­ar fjall­göng­ur í ná­grenni Reykja­vík­ur
• Mik­il­vægt að al­menn­ing­ur eigi rétt á frjálsri för
• All­ir út að hreyfa sig
• Tólf góðar göngu­leiðir

» Fleiri tengd­ar frétt­ir

Ferðumst inn­an­lands

Mynd­skeið sem sýn­ir snjó­kom­una í Njarðvík vek­ur at­hygli

• Þetta er vin­sæl­asta tjaldsvæðið á Íslandi
• Ísland ör­ugg­ast fyr­ir þá sem ferðast ein­ir
• Hef­urðu áhuga á að ger­ast ferðaþjón­ustu­bóndi?
• Tveir hnúfu­bak­ar léku list­ir sín­ar í Faxa­flóa

» Fleiri tengd­ar frétt­ir

• Blogga um frétt