Kaup­manna­höfn hef­ur alltaf heillað Ragn­heiði Birg­is­dótt­ur blaðamann. Hún lét gaml­an draum ræt­ast, þegar hún flutti til Kaup­manna­hafn­ar fyr­ir nokkr­um árum til þess að stunda meist­ara­nám í bók­mennta­fræði. 

„Ég kom þangað á hverju sumri sem barn og á góðar minn­ing­ar úr borg­inni. Ég var alltaf sú eina í bekkn­um sem elskaði dönsku­tíma svo það kom kannski eng­um á óvart að ég skyldi vilja fara þangað í nám. Sem var ein­mitt það sem ég gerði, eins og svo marg­ir aðrir Íslend­ing­ar, þegar ég kláraði BA-námið hérna heima. Ég bjó þar í tvö ár meðan ég var í MA-námi í bók­mennta­fræði, flutti svo aft­ur heim síðasta sum­ar þegar ég kláraði námið og bauðst starf hér heima,“ seg­ir Ragn­heiður. 

Kaup­manna­höfn er þægi­lega stór borg

Ragn­heiður kunni afar vel við sig í Kaup­manna­höfn og viður­kenn­ir að hún sakni þess að búa í borg­inni.

„Ég sakna þess að fara út úr húsi og mæta ein­hverju nýju á hverju götu­horni. Þræða hliðargöt­ur, kíkja inn um búðar­glugga og prófa ný kaffi­hús. Ég sakna þess líka að hverfa í fjöld­ann. Hér heima fer maður varla út úr húsi án þess að rek­ast á ein­hvern sem maður þekk­ir, sem get­ur verið dá­sam­legt, en það er líka eitt­hvað frels­andi við að vera einn í heim­in­um í stórri borg. Kö­ben er af al­veg réttri stærð fyr­ir mig, nógu stór til þess að maður fái að upp­lifa stór­borg­ar­fílíng­inn en líka nógu lít­il til þess að verða fljótt heim­il­is­leg.

Svo á ég góða fjöl­skyldu og vini í borg­inni sem ég sakna auðvitað að hitta reglu­lega. Það var mjög erfitt að kveðja og ég held í von­ina að þetta hafi ekki verið mín síðustu ár í Kö­ben. Þangað til verða all­ir frí­dag­ar, sum­ur og vet­ur, nýtt­ir í heim­sókn­ir – eða svona næst­um.“

Það er sniðugt að hjóla í Kaup­manna­höfn. Ljós­mynd/​Aðsend

Nør­re­bro í upp­á­haldi

Áttu þér upp­á­halds­hverfi í borg­inni? 

„Ég bjó úti á Ama­ger­bro og þykir mjög vænt um þann stað. En ætli Nør­re­bro sé samt ekki í upp­á­haldi. Þar eru svo marg­ir skemmti­leg­ir veit­ingastaðir og bar­ir. Þar er líka mjög skemmti­legt og svo­lítið alþjóðlegt mann­líf. Þar er alls kon­ar fólk frá hinum ýmsu stöðum í heim­in­um, sem ger­ir mat­ar­menn­ing­una líka mjög skemmti­lega.

Vester­bro er líka of­ar­lega á list­an­um. Þar er auðvitað Kød­byen með sinn góða mat og sitt góða næt­ur­líf. Svo er mjög auðvelt að finna veg­an val­kosti í þess­um hverf­um sem ger­ir lífið auðveld­ara fyr­ir fólk eins og mig.“

Blågårds­ga­de á Nør­re­bro. Á mynd­inni sést glitta í dumplingastaðinn GAO. Ljós­mynd/​Aðsend

Áttu þér upp­á­haldsveit­ingastað og kaffi­hús í borg­inni?

„Af kaffi­hús­um verð ég að nefna Kaf sem ligg­ur í mjög fal­legri götu úti á Nør­re­bro og er al­gjört himna­ríki fyr­ir grænkera. Svo stend­ur La Glace, sem er að finna í hliðargötu við Strikið, alltaf fyr­ir sínu. Þótt það sé auðvitað svo­lítið vin­sælt hjá ferðamönn­um þá hef­ur því tek­ist að halda í and­rúms­loftið sem hef­ur ein­kennt staðinn í hundrað og fimm­tíu ár. Alltaf svo­lít­il upp­lif­un að koma þangað.

Svo var ég fasta­gest­ur, bæði á GAO Dumpling Bar eða La Neta. Báðir staðirn­ir eru með fleiri en eitt úti­bú, þá er báða að finna bæði á Nør­re­bro og á Vester­bro, tveim­ur skemmti­leg­ustu hverf­un­um. Þeir eru frek­ar hvers­dags­leg­ir; Gao með strang­heiðarlega dumplinga, bæði soðna og steikta og svo gott tofu og La Neta með frá­bær­an mexí­kósk­an mat, sterka salsa, mezcal og Mikk­ell­er-bjór á krana.

Í góðu veðri er mjög gam­an að borða úti á Ref­fen eða Broens Gadekøkk­en. Það eru skemmti­legt staðir með ótal mat­ar­vögn­um og ef maður hef­ur gam­an af götumat­ar­stemn­ingu þá verður fólk að kíkja þangað.“

Á sól­ar­dög­um nýt­ur Ragn­heiður þess að sitja í Kongens have. Ljós­mynd/​Aðsend

Hvar er best að versla?

„Ég verð að viður­kenna að ég er ekk­ert rosa­lega dug­leg að versla. Strikið og ekki síður göt­urn­ar í kring standa al­veg fyr­ir sínu. En ef mann lang­ar að upp­lifa eitt­hvað annað eru skemmti­leg­ar versl­un­ar­göt­ur í flest­um hverf­um borg­ar­inn­ar, þar sem maður get­ur fundið litl­ar búðir með karakt­er. Jæ­gers­borgga­de við Ass­istens-kirkju­g­arðinn er gott dæmi eða Vester­broga­de á Vester­bro og göt­urn­ar þar í kring.“

Ljós­mynd/​Aðsend

Huggu­leg­heit og aft­ur huggu­leg­heit

Hvernig er full­kom­inn dag­ur í Kaup­manna­höfn? 

„Ég myndi byrja dag­inn á góðum morg­un­mat eða bröns, til dæm­is á Kaf. Síðan myndi ég ganga í gegn­um bæ­inn á Statens muse­um for kunst, rík­is­lista­safnið. Þar á ég nokk­ur upp­á­halds­verk sem ég verð að heilsa upp á reglu­lega. Bygg­ing­in er líka svo fal­leg, bæði gömlu hlut­ar henn­ar og þeir nýju, og það fylg­ir því ein­hver góð blanda af ró og inn­blæstri að koma þangað inn.

Það er auðvitað klass­ískt að fá sér gott smør­rebrød í há­deg­is­mat, það er í boði á öðru hverju kaffi­húsi og danskt rúg­brauð er bara það besta sem ég veit.

Ljós­mynd/​Aðsend

Ef það er gott veður myndi ég eyða síðdeg­inu í sól­inni í Kongens Have eða á Íslands­bryggju, lesa góða bók og fylgj­ast með mann­líf­inu. Ef veðrið er ekki með okk­ur í liði færi ég kannski í bíó í Grand Teatret, gömlu bíó­húsi í hjarta borg­ar­inn­ar, þar sem úr­valið er virki­lega gott, smá svona Bíó Para­dís Kaup­manna­hafn­ar. Þar er líka gott kaffi og veit­ing­ar að fá og gam­an að fylgj­ast með heima­mönn­um koma og fara.

Svo myndi ég enda dag­inn úti á Nør­re­bro. Mat­ur og drykk­ur á Blågårds­ga­de eða Ravns­borgga­de, mjög huggu­leg­um göt­um þar sem hægt er að sitja úti ef vel viðrar. Þar mynd­ast alltaf góð stemn­ing, mikið um ungt fólk sem kann að hafa það huggu­legt eins og Dön­um ein­um er lagið.“

Værnedamsvej, hliðargata við Vester­broga­de, hef­ur að geyma skemmti­leg­ar búðir og kaffi­hús. Ljós­mynd/​Aðsend

Eru ein­hverj­ar ferðamanna­gildr­ur í Kaupa­manna­höfn?

„Það er ekk­ert að því að eyða deg­in­um á Strik­inu, sigl­ingu um sík­in, í bjór í Nyhavn og enda svo í Tív­olí. En ef mann lang­ar að kom­ast út fyr­ir túristapakk­ann mæli ég með að fara aðeins út fyr­ir miðbæ­inn. Hverf­in sem eru í 10-15 mín­útna göngu­fjar­lægð frá miðbæn­um eru svo skemmti­leg. Það er eig­in­lega al­veg sama í hvaða átt maður fer. All­an hring­inn er eitt­hvað nýtt að sjá, Vester­bro, Frederiks­berg, Nør­re­bro, Øster­bro og svo auðvitað Christians­havn, hinum meg­in við höfn­ina. Bara ganga eða hjóla af stað og sjá hvert dag­inn leiðir.“

Veg­an ísbúðina Nicecream er meðal ann­ars að finna á Nør­re­bro, þar sem veg­an val­kost­irn­ir eru marg­ir. Ljós­mynd/​Aðsend

Tengd­ar frétt­ir

Borg­in mín

„Hér snýst allt um trú og djúp­steikt­an mat“

• „Borg­in leiðir þig á rétta staði“
• „Ég er týpa sem ferðast alltaf með mikið með mér“
• Tæki­færi í Svíþjóð varð til þess að fjöl­skyld­an flutti út
• „Og það er ein­mitt hérna sem áhugi minn á árstíðabundnu fæði vaknaði“

» Fleiri tengd­ar frétt­ir

Dan­mörk

Löng helgi í Kö­ben: Hvernig áttu að klæða þig?

• Birgitta Líf kíkti út á lífið í Kaup­manna­höfn
• Hönn­una­r­í­búð á besta stað í Kaup­manna­höfn
• „For­dæma­laus“ heim­sókn
• „Kaup­manna­höfn er smá eins og stór út­gáfa af Reykja­vík“

» Fleiri tengd­ar frétt­ir

• Blogga um frétt