Ferðalög | Ferðalög erlendis | mbl | 28.12.2023 | 20:00

Patrik gerði allt vitlaust í skíðabrekkunni í Frakklandi

Patrik Atlason eyddi jólunum á skíðum í Frakklandi með fjölskyldu sinni og vinum. Samsett mynd

Tónlistarmaðurinn Patrik Atlason eyddi jólunum á skíðum með fjölskyldu sinni og vinum í Chamonix í Frakklandi. Með honum voru meðal annars útvarpsstjarnan Ágúst Beinteinn Árnason, betur þekktur sem Gústi B, og knattspyrnumaðurinn Adam Ægir Pálsson.

Af myndum að dæma var mikið fjör í skíðabrekkum Chamonix um jólin, en vinirnir hafa verið duglegir að deila myndum og myndböndum frá ferðinni á samfélagsmiðlum sínum.

Úr að ofan og beint upp á svið

Patrik var ekki lengi að koma sér upp á svið á skíðasvæðinu þar sem hann gerði allt vitlaust. Hann tók meðal annars einn heitasta smellinn sinn, Skína, og virtust gestir skíðasvæðisins ekki eiga í neinum erfiðleikum með að dilla sér við lagið.

Nú er Patrik hins vegar lentur á Tenerife á Spáni, en hann ætlar að eyða áramótunum í sólinni og hlaða batteríin fyrir nýja árið.