Það var sér­stak­lega mik­il stemn­ing á meðal Íslend­inga á Teneri­fe um helg­ina en þá var ís­lenski bar­inn Nostal­g­ía með þorra­blót. Það seld­ist upp á þorra­blótið. Voru 67 manns í mat og um 150 skemmtu sér sam­an seinna um kvöldið. 

Her­dís Árna­dótt­ir og Sæv­ar Lúðvíks­son á Nostal­g­íu lögðu mikið á sig til að gera vel við Íslend­inga á suðræn­um slóðum. 

„All­ur þorramat­ur­inn kom frá Íslandi, síld­ina fékk ég hér í skandi­nav­ísku búðinni. Flat­kök­urn­ar og rúg­brauðið bökuðum við sjálf. Það er mikið vesen að koma matn­um út en með hjálp vina og ætt­ingja þá komst all­ur mat­ur út. Fiskikóng­ur­inn reddaði mér svo súra hvaln­um,“ sagði Her­dís og bæt­ir við að boðið verður upp á af­gang­inn á fiski­hlaðborðinu þeirra á föstu­dag­inn, 2. fe­brú­ar. 

Trúba­dor­inn Hlyn­ur Snær og dótt­ir hans Sæ­björg Eva Hlyns­dótt­ir sáu um að halda uppi stuðinu. „Sögðu Vesta­manna­ey­ing­ar að þetta væri eins og vera kom­in á Þjóðhátíð,“ sagði Her­dís.