48 tímar á Menorca: Falda perla Baleareyja
Setja bókamerki
Flestir kannast við töfraeyjuna Majorka sem hefur verið vinsæl meðal Íslendinga síðustu áratugi. En hefur þú heyrt um nágrannaeyju hennar, Menorca?
Menorca er rólegasta eyjan af Baleareyjum, en hún er þekkt fyrir stórkostlegt landslag, sjarmerandi arkitektúr og afslappað andrúmsloft. Eyjan hefur notið aukinna vinsælda á undanförnum árum, en hún var nefnd sem einn af bestu áfangastöðunum í júní í ár af virtu ferðatímariti.
Ferðavefur mbl.is tók saman leiðarvísi yfir það sem þú mátt alls ekki missa af þegar þú heimsækir Menorca.
Að gera
Dagur á ströndinni
Menorca er þekkt fyrir einstakar og grýttar strendur og því ekki hægt að heimsækja eyjuna án þess að heimsækja einhverja af þeim. Hvort sem þú ákveður að rölta um á ströndinni, skella þér í sólbað eða fara í siglingu við ströndina þá getur þú verið viss um að dagurinn verður góður.
Kajakferð
Ein skemmtilegasta leiðin til að kanna strendur Menorca er á kajak. Slíkar ferðir hafa orðið afar vinsælar á eyjunni, enda ódýr, auðveld og afslappandi skemmtun sem gerir þér kleift að skoða strendur, falda hella og snorkla í fagurbláum sjónum.
Að skoða
Cala Morell
Til að kynnast sögu eyjunnar er ómissandi að heimsækja hið svokallaða Cala Morell. Þar finnur þú leifar af talayótísku menningu eyjunnar sem blómstraði frá um 2.100 f.Kr.
Ciutadella
Ciutadella er staðsett á vesturhluta Menorca og er ein af tveimur aðalborgum eyjunnar ásamt Maó. Þar finnur þú töfrandi byggingarstíl, fallegar verslanir og umferðarlausar götur. Svo er fullkomið að enda kvöldið á sögulegu höfn borgarinnar.
Gisting
Amagatay Menorca
Þetta fallega hótel er draumi líkast, en inni í sjarmerandi sveitabæ frá 19. öldinni finnur þú fallega innréttuð herbergi og lúxusaðstöðu sem tikkar í öll box. Allar byggingar hótelsins eru upprunalegar en hafa verið uppgerðar á einstakan máta.
Hótelið er umvafið fallegri náttúru, töfrandi ólífutrjám og villtum blómum sem setur punktinn yfir i-ið.
Matur og drykkur
Vermell
Veitingastaðurinn Vermell er staðsettur á glæsihótelinu Son Vell. Staðurinn er glæsilega innréttaður og býður upp á röð rétta sem eru innblásnir af vinsælum uppskriftum frá meginlandi Spánar, Bretlands og Frakklands.
Cova d'En Xorio
Þessi bar er staðsettur í helli á Menorca með töfrandi útsýni yfir hafið og strandlengjuna. Þar er hægt að fá sér drykki og njóta sólsetursins, en eftir miðnætti breytist tónlistin úr afslappaðri tónlist yfir í klúbbatónlist sem hægt er að dansa við fram að sólarupprás.
Hvenær vitum við úrslitin?
Nágranninn fannst látinn við nærliggjandi skóla
Altjón eftir að kviknaði í út frá rafmagni
Trump búinn að greiða atkvæði
Börnum mismunað: Kjaradeilan verði leyst án tafar
Þungbært að missa félaga
Ágreiningur í VG um aðild að NATO
/frimg/1/52/69/1526902.jpg)
Hvassviðri eða stormur seinnipartinn
/frimg/1/52/63/1526330.jpg)
