7 draumaáfangastaðir fyrir kylfinga
Setja bókamerki
Fjölmargir ætla að leggja land undir fót og skella sér í golfferð erlendis í sumar. Það er vinsælt meðal Íslendinga að skella sér til Spánar í golfferð, en það eru hins vegar ótal spennandi áfangastaðir víðs vegar í heiminum sem bjóða upp á töfrandi upplifun fyrir kylfinga.
Á dögunum tók Forbes saman lista yfir sjö draumaáfangastaði fyrir kylfinga, allt frá sögufrægum strandbæ í Skotlandi yfir í töfrandi golfvöll við sjóinn í Mexíkó.
Skotland
Skoski strandbærinn St. Andrews er þekktur sem fæðingarstaður golfsins og því ekki skrýtið að það sé efst á laupalista (e. bucket list) margra kylfinga að spila þar. Það er nóg af golfvöllum að velja úr enda finnur þú hvergi jafn marga golfvelli miðað við fólksfjölda og í Skotlandi.
Írland
Á Írlandi eru yfir 400 golfklúbbar og á ári hverju fara meira en 240 þúsund kylfingar í pílagrímsferð þangað til að leika á brautunum. Þó svo flestir vellirnir séu opnir allan ársins hring þá er besti tíminn fyrir golfferð til Írlands frá apríl til október. Yfir hásumarið er bjart til klukkan 22 og því hægt að spila aðeins lengur fram eftir.
Fídjí
Fídjí laðar að sér fjölda ferðamanna ár hvert, en eyjan er vinsæl fyrir brúðkaupsferðir, sólarlandaferðir og köfunarferðir. Hins vegar er Fídjí líka paradís fyrir kylfinga með tugi valla á víð og dreif um eyjuna innan um falleg pálmatré. Viti Levu er aðaleyjan fyrir kylfinga.
Nýja Sjáland
Nýja Sjáland er hinn fullkomni áfangastaður fyrir kylfinga sem vilja vera umkringdir einstakri náttúrufegurð. Á Nýja Sjálandi eru yfir 400 golfvellir með fjölbreyttu landslagi og þykir landið að mati margra fegursti áfangastaðurinn fyrir kylfinga. Frá október og fram í apríl er háannatími kylfinga á Nýja Sjálandi.
Mexíkó
Los Cabos og Baja-skaginn hafa lengi þótt með bestu golfáfangastöðum heims, ekki síst vegna fjölbreytileika landslagsins og suðrænu stemninguna. Í Mexíkó eru yfir 200 golfvellir en íþróttin hefur vaxið mikið síðustu ár.
Víetnam
Víetnam er annar áfangastaður þar sem golfið er í miklum uppvexti, en um þessar mundir eru nokkrir af bestu golfarkitektum heims að hanna velli þar í fjöllunum, frumskógum og meðfram strandlengjunni.
Máritíus
Máritíus er þekkt fyrir töfrandi strendur og gróskumikið landslag, en eyjan á sér hins vegar áhugaverða sögu þegar kemur að golfi. Talið er að Máritíus hafi verið þriðja landið í heiminum sem kynntist íþróttinni og Gymkhana golfklúbburinn er fjórði sveitaklúbburinn í heiminum þar sem golf var spilað.
Þvagi og saur daglega slett á fangaverði
Íslenskukunnátta er öryggismál
„Við erum bara ennþá í smá sjokki yfir þessu“
Harðar deilur um notkun gervigreindar
Miðbærinn eyðilagður fyrir litlum verslunarmönnum
Fyrirhugaður kláfur án fordæma hér á landi
Slæmt að hafa ábyrgð en engin völd
Grásleppufrumvarpi fálega tekið
