Tónlistarmaðurinn Emmsjé Gauti sleikir sólina þessa dagana erlendis. Gauti virðist hafa það fínt í fríinu og er að minnsta kosti ekki að kvarta á mynd sem hann birti af sér á Instagram.
„Serbneskt sumar,“ skrifaði Gauti við mynd af sér. Hann snýr baki í myndavélina og sýnir þar með húflúr á bakinu en þau eru nokkuð mörg. Gauti er ekki bara með húðflúr á bakinu. Hann er alvöru rappari og því duglegur að bæta í húðflúrsafnið og sýna húðflúr á bringunni og handleggjum.
Ferðalagið til Serbíu er líklega ekki tilviljun þar sem Gauti er með fjölskyldutengingu við Serbíu. Eiginkona hans, Jovana Schally, er Serbi en kom til Íslands sem barn.