Jeff Bezos, stofnandi Amazon og einn ríkasti maður heims, skrapp í sumarfrí á dögunum með unnustu sinni, Lauren Sánchez. Þegar hann fer í frí er aðeins það besta í boði.
Ofurparið sást á grísku eyjunni Mykonos að því fram kemur á vef Page Six. Eyjan fagra er vinsæl á meðal hinna ríku og frægu.
Bezos og Sánchez voru ekki á hóteli á Mykonos heldur rándýrri snekkju sem heitir Kora sem Bezos er talinn hafa tekið í notkun í fyrra. Það er allt til alls á snekkjunni og má þar nefna þyrlu, hraðskreiða bátar og ýmis vatnaleikföng. Einnig fylgir snekkjunni önnur smærri snekkja.
Það er auðvelt fyrir Bezos og Sánchez að sigla um gríska eyjahafið á snekkjunni. Þau hafa ekki bara sést á Mykonos. Þau hafa einnig sést á grísku eyjunni Hydra.