Brot af því besta á Norðurlandi
Setja bókamerki
Tengdar fréttir
Ferðumst innanlands
Hið stórbrotna Norðurland ætti ekki að svíkja fólk í sumar enda má finna þar guðdómlega náttúru, ljúffengan mat og enn betri baðstaði.
Hvítserkur
Hvítserkur er klettur í sjó við vestanverðan botn Húnafjarðar í Vestur-Húnavatnssýslu. Kletturinn er 15 metra hár og hvítur af fugladriti en þaðan kemur nafnið líklega. Þjóðsagan segir hins vegar að Hvítserkur hafi verið tröll sem bjó norður á Ströndum sem vildi brjóta niður kirkjuklukkur Þingeyraklausturskirkju.
Sælkerabúðin Vellir
Sælkerabúðin Vellir í Svarfaðardal er algjör perla en þar er að finna alls kyns gúmmelaði sem alvörusælkerar kunna að meta.
Sushi á Rub 23
Ekki borða bara pylsur í fríinu. Gerðu vel við þig og pantaðu borð á Rub 23 á Akureyri. Þar er hægt að fá eitt besta sushi á landinu.
Skógarböðin
Skógarböðin eru eitt nýjasta baðlón landins. Enginn aðdáandi baðlóna og fallegs útsýnis má láta böðin fram hjá sér fara í sumar. Fullkomið er að verja kvöldstund í Skógarböðunum.
Sundlaugin á Hofsósi
Sundlaugin á Hofsósi er ein fallegasta sundlaug landsins. Þegar synt er frá suðri til norðurs rennur laugin saman við hafflötinn neðan hennar með beina stefnu á Drangey.
Hvalaskoðun á Húsavík
Einn besti staðurinn til að fara í hvalaskoðun er út frá Húsavík. Það er ekki hægt að fá leið á því að skoða hvali og það jafnast ekkert á við að skoða þá í sínu náttúrulega umhverfi.
Bakaríið á Siglufirði
Matur þarf ekki alltaf að vera dýr til þess að vera góður. Eitt strangheiðarlegasta bakarí landsins er að finna á Siglufirði. Í bakaríinu má fá mjög góða hnúta og fáránlega góðar langlokur.
Tengdar fréttir
Ferðumst innanlands
Líklega 100-150 ár í að næsti hluti fari af stað
Kona ónáðaði börn á skólalóð
Skýr merki um landris við Svartsengi
Vara við afdrifaríkum afleiðingum
Málið í Bríetartúni á borði Félagsbústaða
Umsvifalaust tilkynnt um starfslok
Neyðist til að opna veitingastaðinn
/frimg/1/56/51/1565154.jpg)
