Fimm stórkostleg hótel í Marrakesh
Irja Gröndal
Setja bókamerki
Tengdar fréttir
Borgarferðir
Marga dreymir um að heimsækja Marrakesh í Marokkó og upplifa einstaka menningu, fagurfræði og sögu borgarinnar beint í æð. Það vantar ekki upp á fegurð í hótelsenu borgarinnar, en hér má sjá fimm guðdómleg hótel sem Marrakesh státar af og ættu að hitta beint í mark hjá hönnunarunnendum.
El Finn
Hótelið El Finn opnaði fyrst fyrir um tveimur áratugum, en síðan þá hefur hótelið breyst og stækkað og státar nú af þrettán samtengdum byggingum, þremur sundlaugum og 41 svefnherbergjum sem hafa verið innréttuð á glæsilegan máta. Á hótelinu mætist gamalt og nýtt og skapar einstaka stemningu í anda Marokkó.
Farasha Farmhouse
Í um 45 mínútna akstursfjarlægð frá Medina stendur fallegur sveitabær innan um ólífutré og glæsilega fjallagarða. Einstök fagurfræði einkennir staðinn sem fellur sérlega vel inn í ósnortið landslagið, en þar finnur þú lúxus-sveitastemningu eins og hún gerist best.
Caravan by Habits Agafay
Í Agafay-eyðimörkinni í Marokkó finnur þú Caravan-hótelið sem býður upp á upplifun sem heillar augað samstundis. Áhersla hefur verið lögð á að gera staðinn minimalískan, sjálfbæran og vistvænan, en þar er andrúmsloftið afar rólegt og friðsælt.
Maison Brummell Majorelle
Hið glæsilega Maison Brummell Majorelle hefur vakið mikla athygli, enda endurspeglar þessi fagurbleika móderníska teikning umhverfið á skemmtilegan máta. Fallegir skúlptúrar, formfögur húsgögn og ljúf litapalletta er í forgrunni að innan sem skapa einstaka stemningu.
Rosemary
Þetta fallega hótel er staðsett í einum af elstu hverfum Medina og státar af einstöku marokkósku handverki hvert sem litið er. Það var belgíski leiklistarmaðurinn og hönnuðurinn Laurence Leenaert sem á heiðurinn af fagurfræði hótelsins, en þar fær litagleðin að njóta sín ásamt óhefðbundnum formum.
Tengdar fréttir
Borgarferðir
Trump hótar frekari árásum
Klerkarnir með kjarnavopn ógn við heimsfriðinn
Tregðan við að deila gögnum „ bara skrýtin“
Forsendur byggist á loftinu einu saman
/frimg/1/57/65/1576504.jpg)
Leiðtogar bregðast við árásum Bandaríkjamanna
Stuðlar eina úrræðið fyrir börn í geðrofi
