Íslenski fatahönnuðurinn Hildur Yeoman var stödd á sýningu franska tískuhússins Coperni í gærkvöldi sem fór fram í Disneylandi í París. Þar var öllu tjaldað til en sýningin lokaði tískuvikunni með alvöru upplifun fyrir gesti.

Viðburðurinn var stjörnum prýddur. Kylie Jenner gekk óvænt niður tískupallinn klædd svörtum hlýralausum kjól og Lila Moss, dóttir Kate Moss, var einnig fyrirsæta. 

Coperni fæst í verslun Yeoman á laugavegi. Hildur Yeoman deildi upplifun sinni á Instagram með fylgjendum sínum og virtist hafa skemmt sér frábærlega. Gestir virtust svo hafa tekið rússíbana í eftirpartýið eins og eðlilegt er í tívolí.