Flugfélagið Play ætlar að hefja áætlunarflug til Antalya í Tyrklandi. Fyrsta flugið verður farið 15. apríl á næsta ári og verður flogið einu sinni í viku fram til byrjun júnímánaðar áður en áætlunin verður tekin upp að nýju í september og fram yfir miðjan nóvember.

„Antalya er einstaklega áhugaverður áfangastaður sem mun vafalaust laða að marga Íslendinga á næsta ári. Borgin mun heilla jafnt þá sem hafa áhuga á sögu og menningu Tyrklands sem og þá sem vilja magnaða sólarlandaupplifun. Við höfum það að markmiði að bjóða eina flottustu sólarlandaáætlun sem völ er á og styrkjum hana enn frekar með þessum frábæra áfangastað,” segir Einar Örn Ólafsson, forstjóri Play.

Play ætlar að fljúga til Antalya í Tyrklandi. Ljósmynd/Pexels/Oguz Kagan Cevik

Golfvellir og vinsæll skemmtigarður

Saga, menning og náttúra einkenna Antalya og staðurinn er vinsæll áfangastaður við Miðjarðahafið. Hægt er að ganga um götur Kaleici-hverfisins og virða fyrir sér byggingarstíl frá tímum Ottómana á sama tíma og hægt er að skoða spennandi verslanir og bregða sér á sjarmerandi kaffihús. Þeir sem sækja í afslöppun munu eiga góðar stundir á Konyaalti og Lara-ströndunum. Náttúruunnendur geta einnig virt fyrir sér Düden-fossana og hina fornu borg Termessos sem veitir mikilvæga innsýn í sögu Tyrklands.

Vinsælir golfvellir eru á svæðinu en þar er líka hægt að finna skemmtigarðinn The Land of Legends sem er einn af þeim stærstu og glæsilegustu í Tyrklandi. Þar má finna vatnsrennibrautir, rússíbana, sýningar, verslanir og veitingastaði.

Tengdar fréttir

Beint flug á spennandi staði

Icelandair flýgur til Nashville

• Play hefur áætlunarflug til Valencia
• Icelandair mun fljúga til Gautaborgar næsta sumar
• Play flýgur til Pula í Króatíu
• Icelandair byrjar að fljúga til Lissabon

» Fleiri tengdar fréttir

• Blogga um frétt