Eins gam­an og það er að ferðast þá get­ur það reynt tölu­vert á lík­amann og þol­in­mæðina líka; lang­ar raðir á flug­völl­um, kraðak, seinkan­ir og hræðsla við að týna börn­un­um, svo ekki sé minnst flugþreyt­una.

Þegar flogið er inn á nýtt tíma­belti get­ur orðið trufl­un á líf­fræðileg­um takti fólks og kall­ast það flugþreyta. Sé ferðalangn­um kunn­ugt um hvernig sporna eigi gegn flugþreytu, það er nefni­lega hægt, þá geti fyrsti dag­ur­inn í frí­inu orðið enn ánægju­legri.

Flugþreyta get­ur nefni­lega orðið í flugi sem tek­ur aðeins ör­fá­ar klukku­stund­ir og spil­ar þar lík­ams­klukk­an inn í. Þegar svefn- og vöku­mynstr­inu er raskað get­ur það leitt til þess að innri klukk­an verði ósam­stillt og hef­ur það aft­ur áhrif á lík­ama og lund.

Ein­kenni flugþreytu

Ein­kenn­in eru marg­vís­leg. Marg­ir þekkja til­finn­ing­una þegar komið er á áfangastað; að finna fyr­ir þreytu og pirr­ingi en geta samt ekki fest svefn. Al­veg eins og þú mynd­ir vilja hefja fríið, ekki satt?

Hér eru helstu ein­kenn­in:

• Vera viðkvæm­ur, pirraður eða í öðru til­finn­inga­legu ójafn­vægi
• Mikl­ar skap­breyt­ing­ar 
• Erfiðleik­ar við að festa svefn
• Finna fyr­ir þreytu á dag­inn
• Ná ekki að sofa alla nótt­ina
• Heilaþoka
• Óþæg­indi í maga eða þörm­um

Hægt er að byrja á að lág­marka flugþreytu í flug­inu sjálfu. Tim Dennert/​Unsplash

Hvernig lág­marka á flugþreytu í flugi

Á meðan á flug­inu stend­ur er margt hægt að gera til að sporna gegn ein­kenn­um flugþreytu.

• Drekka nóg af vatni
• Forðast áfengi
• Forðast svefn­töflu eða álíka meðöl ætluð fyr­ir svefn
• Reyna að sofa

Mik­il­vægt er að sleppa því að leggja sig um leið og komið er á áfangastað. Greg Papp­as/​Unsplash

Hvernig lág­marka á flugþreytu á áfangastað

Sé farið að of­an­töld­um ráðum er nokkuð víst að ferðalang­ar verði í ágæt­is formi við lend­ingu. Mælt er með nokkr­um atriðum til viðbót­ar þegar komið er á áfangastað.

• Fá dags­birtu eins fljótt og auðið er
• Ekki sofna strax þegar komið er á áfangastað
• Borða í takt við tím­ann á áfangastað
• Gera allt til að ná ró fyr­ir svefn og fara á rétt­um tíma í rúmið

Í því sam­hengi er talað um að hafa nógu dimmt í her­berg­inu, hætta skjánotk­un nokkru áður en lagst er til svefns og jafn­vel taka inn nátt­úru­leg lyf eins og mel­ót­onín eða magnesí­um til að róa taug­arn­ar.

Pla­net D

Tengd­ar frétt­ir

Ferðaráð

Leyni­bær­inn í Sviss sem þú þarft að heim­sækja

• Fimm æðis­leg­ar borg­ir í sum­ar­frí­inu
• 5 skot­held ráð fyr­ir út­skrift­ar­ferðina
• Hend­ir öllu á svefn­her­berg­is­gólfið fyr­ir ferðalagið
• „Við sem sát­um til borðs héld­um að þetta væru enda­lok­in“

» Fleiri tengd­ar frétt­ir

• Blogga um frétt