Þýska flugfélagið Discover Airlines, dótturfélag Lufthansa, hefur ákveðið að fljúga á milli München og Keflavíkur allt árið um kring. Þetta var tilkynnt í dag en áður hafði félagið boðað flug til og frá Keflavíkurflugvelli yfir sumartímann.

Fyrsta flug félagsins verður 3. apríl 2025 og verður flogið þrisvar sinnum í viku yfir sumartímann og tvisvar í viku út vetrartímabilið. Flogið verður á Airbus A320-vélum flugfélagsins.

Lufthansa flaug áður milli München og Keflavíkurflugvallar, en Discover Airlines tekur yfir flugleiðina. Discover býður farþegum sínum upp á að hægt verði að tengja áfram til enn fleiri áfangastaða milli þeirra og Lufthansa í gegnum München.

„Það er okkur sönn ánægja að bjóða flugfélagið Discover Airlines velkomið í flugvallarsamfélagið á Keflavíkurflugvelli,“ segir Grétar Már Garðarsson, forstöðumaður flugfélaga og leiðaþróunar.

„Þessar fréttir koma í kjölfar ákvörðunar EasyJet að bæta við áfangastöðum næsta sumar og pólska flugfélagsins LOT að hefja í fyrsta sinn flug milli Varsjár og Keflavíkur. Þetta eru ánægjulegar fréttir og styrkja enn frekar áfangastaðinn Ísland. Við hlökkum til að taka á móti Discover Airlines.“

Tengdar fréttir

Beint flug á spennandi staði

EasyJet kynnir nýja áfangastaði frá Íslandi

• Icelandair flýgur til Istanbúl
• Gerður í þrusuformi á Madeira
• Fyrsta flug Play til Marrakesh kallaði á trommuslátt
• Icelandair og TAP í samstarf

» Fleiri tengdar fréttir

• Blogga um frétt