Ferðaáhrifavaldurinn Larisa á TikTok ráðleggur fólki frá því að verja tíma sínum á hótelum þar sem allt er innifalið. Slík hótel eru gríðarlega vinsæl á eyjunni og þá sérstaklega hjá fjölskyldufólki. 

„Mér þykir leitt að segja þér frá því en ef þú vilt upplifa ekta Tenerife þá mæli ég með að gista á hótelum sem eru ekki í alfaraleið. Ég er nýkomin frá eyjunni þar sem ég skipti um gistingu fjórum sinnum og það var allt svo fallegt,“ segir hún í myndskeiðinu. 

Hún segist hafa gist í fjöllum Tenerife, borðað ferska ávexti við sundlaugarbakkann og horft á fjöllin. 

„Gisting sem þessi er kölluð haciendas, hotel rural eða finca. Þetta er hefðbundnasta gistingin á eyjunni og algjörlega sú sérstakasta. Í næstu ferð þinni til Tenerife, slepptu þá öllum all inclusive-hótelunum og írsku pöbbunum og njóttu spænsku matreiðslunnar og náttúrunnar sem þessi eyja hefur upp á að bjóða.“

Tengdar fréttir

Tenerife

Eva Ruza tryllti lýðinn á Tenerife

• Birgitta Líf flúði gulu viðvörunina til Tenerife
• „Mínar uppáhaldsminningar eru eyjahoppin í Tælandi“
• Mari farin í verðskuldað frí til Tenerife
• Mari bauð forsetanum til Tenerife

» Fleiri tengdar fréttir

• Blogga um frétt