Segja má að stór þáttaskil hafi orðið við opnun nýs hótels á Srí Lanka.

Fyrsta hótelið á eyjunni, sem er einungis starfrækt af konum, opnaði dyr sínar undir lok síðasta árs í þorpinu Kandalama, en með því er stigið stórt skref í að skapa konum atvinnutækifæri.

Hótelið sem ber heitið Amba Yaalu Kandalama er staðsett í miðri mangó-plantekru og liggur nærri árbökkum Kandalama-lónsins.

Hótelið var vígt á dögunum við hátíðlega opnun þar sem fulltrúar stjórnvalda, framámenn í ferðaþjónustu og fleiri fögnuðu þessum merku tímamótum með starfsfólki hótelsins.

Opnun Amba Yaala Kandalama hefur vakið mikla athygli á samfélagsmiðlum, enda er hótelið það fyrsta sinnar tegundar á svæðinu og jákvæð þróun í þá átt að bæta stöðu kvenna á Srí Lanka og á nærliggjandi svæðum.

Tengdar fréttir

Gisting

Hægt að gista í fangelsi

• Stórglæsilegum endurbótum á Hótel Búðum lokið
• Þetta er hluturinn sem ber að varast á hótelherbergjum
• Hótelinu var líkt við líkhús en nýtur nú vinsælda
• Leigðu hinar einu sönnu Love Island-villur í næsta fríi

» Fleiri tengdar fréttir

• Blogga um frétt