Icelandair hefur bætt nýjum áfangastað við leiðakerfi sitt, Miami í Flórídaríki í Bandaríkjunum. Flogið verður til borgarinnar þrisvar í viku, á þriðjudögum, fimmtudögum og laugardögum, frá 25. október og út mars 2026. Flugtími til Miami er um það bil átta klukkustundir á Airbus A321LR.

Flórída hefur lengi verið vinsæll vetraráfangastaður Íslendinga en Icelandair hefur um áratugaskeið flogið til Orlando. Nú bætist Miami við leiðakerfi félagsins sem 19. áfangastaðurinn í Norður-Ameríku. Borgin er þekkt fyrir fallegar strendur, litríka menningu og fjörugt næturlíf.  

„Við erum mjög spennt fyrir því að hefja flug til Miami og ég veit að margir Íslendingar munu fagna þessum nýja, sólríka áfangastað í Flórída. Nýju Airbus-vélarnar, sem eru bæði langdrægar og sparneytnar, gera okkur kleift að bæta við nýjum og spennandi áfangastöðum og er Miami gott dæmi um það.

Flugleiðin opnar auk þess öflugar tengingar fyrir íbúa Miami til 34 áfangastaða okkar í Evrópu, um Ísland og sömuleiðis fyrir Evrópubúa til Miami,“ segir Bogi Nils Bogason, forstjóri Icelandair.

Miami er þekkt fyrir iðandi næturlíf. Unsplash/aurora.kreativ

Tengdar fréttir

Borgarferðir

Flottustu ódýru hótelin í París

• Boltaland fyrir fullorðna vekur athygli
• Ryanair kallar eftir því að fólk drekki minna á flugvöllum
• List og leidd hugleiðsla bætir geðheilsuna
• Skera upp herör gegn hallandi sætisbökum

» Fleiri tengdar fréttir

Á ferðalagi um Bandaríkin

Leiðsögn um bestu skíðasvæðin á Nýja-Englandi

• Flýta áætlunarflugi um fimm vikur
• Sigurlaug og Óli syntu með svínum á Bahamaeyjum
• Fögnuðu ástinni í bandarísku sveitabrúðkaupi
• Nú getur þú gist í Polly Pocket-húsi

» Fleiri tengdar fréttir

• Blogga um frétt