Iceland Parliament hótel skorar hátt í erlendu pressunni
Setja bókamerki
Tengdar fréttir
Ferðaráð
Ferðavefur The Telegraph tekur sjálfstætt út hótel víðs vegar um heim. Iceland Parliament-hótelið fékk eina slíka úttekt ekki alls fyrir löngu og skoraði níu af tíu mögulegum.
Hótelið er staðsett á Landsímareitnum við Austurvöll. Hótelið, sem hét áður Icelandair Hotels, var opnað í lok desember 2022.
Heildarfjöldi herbergja er 163 og þar er einnig að finna háklassa veitingastað, heilsulind og almenningsrými sem prýdd eru nútímalist.
Svona skiptist einkunnagjöfin
Staðsetning: Hótelið fær tíu í einkunn fyrir staðsetningu, vitaskuld í nálægð við áhrifamestu byggingu Íslendinga; Alþingi. Þá eru nefndir staðir sem eru í um fimm mínútna göngufjarlægð frá hótelinu, eins og Tjörnin og Harpa.
Stíll: Níu af tíu mögulegum. Húsið hefur að geyma mikla sögu og hýsti m.a. skrifstofur fyrir stríð og svo var þar fyrsti kvennaskólinn starfræktur, Kvennaskólinn í Reykjavík, en hann var stofnaður 1847 og var á þessum stað til 1909. Húsið fékk yfirhalningu frá ítalska arkitektinum Paolo Gianfrancesco sem starfar fyrir THG Arkitekta, en þó var haldið í upprunalegt útlitið.
Þjónusta og aðstaða: Þetta tvennt fær níu í einkunn. Á hótelinu er m.a. að finna bar, þvottahús, heilsulind með sánu og gufubaði, líkamsrækt og veitingastaðinn Hjá Jóni. The Telegraph tilgreinir sérstaklega aðstöðu og innréttingar í heilsulindinni.
Herbergin: Öll herbergin eru með kaffivélu frá LOR, sérhönnuðum innanstokksmunum, míní-ísskáp, 400 þráða rúmfötum og snyrtivörum á baðherbergjum. Svítur hótelsins snúa að Austurvelli og samhljómur í dökkum við og hvítu keramiki vekur sérstaka hrifningu. Í Parliament-svítunni eru tvö svefnherbergi, baðherbergi, stofa og stórfenglegt útsýni yfir borgina.
Matur og drykkur: Veitingastaður hótelsins er sagður sérstaklega rúmgóður og með fágað yfirbragð. Telebar, sem staðsettur er í móttökunni, býður upp á eigin útgáfu af klassískum kokteilum, auk síðdegiste (e. afternoon tea) á milli tvö og fimm síðdegis. Morgunverður hótelsins fær góða umsögn.
Það sem fær lægstu einkunnina (7/10): Gæði fyrir peninginn, aðgengi fyrir fólk með fötlun og hvort það sé fjölskylduvænt.
Tengdar fréttir
Ferðaráð
Nærri 50.000 manns hafa horfið
Lántakar töpuðu en Neytendastofa vann gegn bönkum
Sjálfstæðisflokkurinn missir þingflokksherbergið
Brotnaði niður eftir 40 ár í löggunni
Telja manninn hafa ekið viljandi á fólkið
„Það er fjarstæðukennt að segja þetta“
„Á ekki að gæta hagsmuna skattgreiðenda?“
