Helgi Jean Claessen, hlaðvarps­stjórn­andi og lífsþjálfi, skellti sér til Balí í sann­kallaða æv­in­týra­ferð nú á dög­un­um. Þar hitti hann æsku­hetja sína, banda­rísku has­ar­stjörn­una og bar­dagalista­mann­inn Steven Seagal, í miðjum hug­leiðslu­tíma á indó­nes­ísku eyj­unni.

„Það var ótrú­lega skondið að vera stadd­ur í leiddri hug­leiðslu og sjá síðan gömlu has­ar­mynda­hetj­una sína mætta upp úr þurru. Ég get ekki sagt að ég hafi bú­ist við hon­um þarna.”

Helgi tók ákvörðun um að gjör­breyta lífi sínu fyr­ir ör­fá­um árum og hef­ur verið á and­legu ferðalagi, í anda Eat, Pray Love, þar sem hann hef­ur kynnst nýj­um hliðum á sjálf­um sér og opnað hjarta sitt fyr­ir nýj­um tæki­fær­um og upp­lif­un­um.

Hvernig var upp­lif­un­in af Balí?

„Ég get vel skilið af hverju fólk dregst að Balí upp­haf­lega en til­finn­ing­in er að eyj­an sé uppseld. Það er sjálfsagt hægt að finna fína staði til að vera á og fólkið er vin­gjarn­legt. Mér var hins veg­ar sagt að það hefði orðið spreng­ing þarna eft­ir kór­ónu­veirufar­ald­ur­inn í fólks­fjölg­un. Það er verið að byggja á fullu en innviðirn­ir eru ekki að fylgja með. Það er orðin rosa­leg traffík á göt­un­um og svo er tals­vert um plast og rusl á strönd­un­um.”

Mynd­irðu þá ekki mæla með Balí?

„Það er ábyggi­lega hægt að kaupa fín­ar pakka­ferðir þangað í vernduðu um­hverfi - en miðað við hversu marg­ar fín­ar strend­ur maður flýg­ur yfir á leiðinni - þá er sjálfsagt hægt að finna minna pakkaðan stað.”

Helgi gaf fylgj­end­um sín­um inn­sýn í ferðalagið á In­sta­gram-síðu sinni.

Tengd­ar frétt­ir

Balí

Kynþokka­full­ir áfangastaðir fyr­ir pör

• Hrafn­hild­ur Haf­steins með í Ljós­kureis­unni
• Koma heim sjálf­stæðari og ham­ingju­sam­ari eft­ir reis­una
• Ferðamönn­um ber að lúta ströng­um regl­um á Balí
• Inga Lind fann sinn innri frið á Balí

» Fleiri tengd­ar frétt­ir

• Blogga um frétt