Vinsælir áfangastaðir til að heimsækja árið 2025
Setja bókamerki
Frá fallegum vötnum í Ástralíu til stórbrotinna fjalla á Grænlandi, þetta eru helstu áfangastaðir ársins samkvæmt fréttamönnum BBC.
Dóminíska lýðveldið
Langar þig til þess að upplifa stórbrotið landslag, hlýtt veður og einstakt tækifæri til að synda með hvölum? Nú er tækifærið!
Aðgengi að þessari fallegu eyju í Karíbahafi hefur aldrei verið betra en nú, með nýjum flugleiðum og bættum ferðamannainnviðum, sem gerir það auðveldara en nokkru sinni fyrr að heimsækja þessa suðrænu paradís.
Naoshima í Japan
Japanska eyjan Naoshima er þekkt fyrir einstaka blöndu af nútímalist, arkitektúr og náttúrufegurð. Eyjan, sem tilheyrir Seto Inland Sea-svæðinu, hefur öðlast heimsfrægð fyrir listrænt landslag sitt. Á eyjunni er meðal annars að finna einstakt graskerjalistaverk japönsku listakonunnar Yayoi Kusama.
Dólómítarnir á Ítalía
Upplifðu ógleymanlega ferð um stórbrotin svæði Dólómítana, þar sem fjallaskörð, dalir og ævintýraleg þorp sameinast í einstaka náttúrufegurð. Þessi hluti ítölsku Alpanna er þekktur fyrir tignarlega klettatinda sem rísa eins og virkisveggir og mynda stórkostlegt sjónarspil í allri sinni dýrð.
Grænland
Ekkert jafnast á við Grænland, stærstu eyju heims. Ósnortin náttúra þess býður upp á einstaka upplifun fyrir náttúru- og ævintýraunnendur, þar sem tignarleg fjöll, djúpir firðir og víðerni mynda stórbrotið landslag.
Vestur-Ástralía
Vestur-Ástralía er stærsta fylki heimsálfunnar og er þekkt fyrir óviðjafnanlega náttúrufegurð, fjölbreytt landslag og einstakar upplifanir. Frá bleikum vötnum til himinblárra kóralrifa, þá er þetta svo sannarlega áfangastaður sem býður upp á spennandi ævintýra.
Sir Lanka
Sri Lanka, oft kölluð „Tár Indlands“, er sannkölluð perla í Indlandshafi með sína töfrandi náttúru, fjölbreytta menningu og ríka sögu. Þessi suðurasíska eyja býður upp á gylltar strendur, gróskumikið landslag og ótrúlegt dýralíf sem gerir hana að fullkomnum áfangastað fyrir ævintýrafólk.
Tucson í Arizona
Eyðimerkurborgin Tuscon í Arizona-fylki er fullkominn áfangastaður fyrir alla þá sem elska sögu, útivist og frábæra matarmenningu. Í borginni má finna margar og áhugaverðar gönguleiðir. Áhugasamir þurfa bara að passa sig á kaktusunum.
Mun fara yfir innviðagjaldið
„Stórt skref að komast þarna inn“
Hughreystandi bros á læknavakt
Byggingaráform um Þjóðarhöll óbreytt
/frimg/1/55/6/1550660.jpg)
/frimg/1/55/0/1550047.jpg)
/frimg/1/55/6/1550623.jpg)
/frimg/1/55/8/1550831.jpg)
„ESB var ekki stofnað til að svindla á neinum“
Síminn dæmdur til að greiða 400 milljónir
Niðurstaða og afurð „með öllu ófullnægjandi“
„Þá er tómt mál að tala um lífskjarasókn“
