Got­neska borg­in Wis­m­ar í Þýskalandi er þekkt sem sögu­svið kvik­mynd­ar­inn­ar Nos­feratu: A Symp­hony of Horr­or (1922) sem gerð var í leyf­is­leysi eft­ir skáld­sög­unni Dracula (1897) eft­ir Bram Stoker.

Nos­feratu var end­ur­gerð og leik­stýrt af Robert Eggers og sýnd í kvik­mynda­hús­um í fyrra og hlaut afar góða gagn­rýni. End­ur­gerðin var ein­mitt til­nefnd til Óskars­ins í flokk­un­um: Besta kvik­mynda­taka, besta fram­leiðsla, besta bún­inga­hönn­un og besta hár og förðun.

Leik­stjóri fyrri út­gáfu Nos­feratu, F.W. Murnau, tók upp nokkr­ar af áleitn­ustu sen­um mynd­ar­inn­ar á hinu víðfeðma Markt­platz-torgi og við hina heil­ögu kirkju Heilig­en-Geist-Kirche.

Úr upp­runa­legu kvik­mynd­inni, Nos­feratu: A Symp­hony of Horr­or (1922). Skjá­skot/​Youtu­be

Úr end­ur­gerð Nos­feratu, leik­stýrðri af Robert Eggers, sem fór í sýn­ingu í kvik­mynda­hús­um í des­em­ber á síðasta ári. Skjá­skot/​Youtu­be

Myndi ekki skoða bæ­inn í myrkri

Líkt og seg­ir í grein á BBC nýt­ur Wis­m­ar enn hlut­verks­ins sem raun­veru­leg­ur vett­vang­ur einn­ar lang­líf­ustu hryll­ings­sögu heims.

Wis­m­ar stend­ur við Eystra­salts­strönd­ina í Norður-Þýskalandi og við bæj­ar­mörk­in stend­ur hið stóra Wass­ertor-hlið í got­nesk­um stíl. Í bæn­um er lítið og ró­legt sam­fé­lag á þýska vísu, með um 44.000 íbúa. Ferðamanna­tím­inn í bæn­um hefst með síld­ar­dög­un­um 15.-30. mars, þegar allt markaðstorgið (Markt­platz) ilm­ar af steiktri síld. 

„Hafn­ar­lífið í Nos­feratu er tákn­rænt“, seg­ir Ursula Hasel­bock, stjórn­andi klass­ísku tón­list­ar­hátíðar­inn­ar Fest­spiele. „Sigl­inga­saga Wis­m­ar og gam­all arki­tekt­úr skapa mjög sér­stakt and­rúms­loft. Þú get­ur næst­um ímyndað þér Nos­feratu læðast um göt­urn­ar, svo það er ör­ugg­lega best að skoða sig um í dags­birtu.“ En arki­tekt­úr bæj­ar­ins hef­ur sterka vís­an í tíma Hansa­sam­bands­ins, banda­lags versl­un­ar­borga, aðallega í Norður-Þýskalandi, frá 13. öld. 

Um­hverfið í Wis­m­ar er æv­in­týra­legt. Mihail Cio­inica/​Unsplash

Á kvik­mynda­slóðir með leiðsögn

Árið 2022 var ald­araf­mæli upp­runa­legu Nos­feratu-mynd­ar­inn­ar fagnað í bæn­um með alls kyns uppá­kom­um í hroll­verkj­andi stíl, sem er í anda kvik­mynd­ar­inn­ar. Nú þrem­ur árum síðar þegar end­ur­gerðin er kom­in út er bú­ist við að fleiri hroll­vekjuaðdá­end­ur láti sjá sig í bæn­um, bæði yngri þýsku­mæl­andi og eins alþjóðleg­ir gest­ir. Þess vegna hef­ur auk­ist mjög að hafa ensku­mæl­andi leiðsögu­menn sem geta farið með áhuga­sama á slóðir kvik­mynd­anna.

Hægt er að fara í sér­stak­ar Nos­feratu-ferðir með ensku­mæl­andi leiðsögn frá mars til októ­ber, þá er einnig hægt að biðja um að leiðsegj­and­inn sé í bún­ing og með lík­kistu meðferðis.

Í boði er t.d. að fylgja fót­spor­um Or­loks, per­sónu eða nán­ar til­tekið vampíru úr kvik­mynd­inni Nos­feratu, um tveggja kíló­metra leið með leiðsögn frá Markt­platz-torg­inu niður að höfn­inni.

Wis­m­ar er mik­ill hafn­ar­bær og hægt er að fara á „fljót­andi safn“ í Poeler Kog­ge Wis­sem­ara, sem er eft­ir­lík­ing af 14. ald­ar tann­hjóls­bát frá tím­um Hansa­sam­bands­ins. Þess­ir bát­ar knúðu áfram vöxt borga og bæja í Norður-Þýskalandi, Norður-Evr­ópu og Eystra­salts­ríkj­un­um. 

Sé horft til hafn­ar­inn­ar úr bátn­um er auðvelt að ímynda sér einn af hápunkt­um Nos­feratu þegar skip Or­loks rek­ur inn í höfn Wis­m­ar, líkt og seg­ir á BBC. Rott­um smituðum af plágu er sleppt inn í borg­ina og Or­lok ber kistu sína í gegn­um Wass­ertor í átt að heim­ili Hutter.

Wis­m­ar hef­ur sterka sögu sem hafn­ar­bær og hluti af 13. ald­ar Hansa­sam­band­inu. Wolfgang Weiser/​Unsplash

BBC Tra­vel

Tengd­ar frétt­ir

Borg­ar­ferðir

Búa til sjálfu­svæði við Sa­grada Familia-kirkj­una

• Axel Hall­kell og Sigrún Edda smökkuðu gullís í Tókýó
• Yngsti Formúlu 1-ökumaður Jap­ana seg­ir frá bestu stöðunum í Tókýó
• Bið eft­ir nýj­um flug­vél­um og þær eldri end­ur­inn­réttaðar
• „Hér snýst allt um trú og djúp­steikt­an mat“

» Fleiri tengd­ar frétt­ir

Hreyfi­ferðir

„Það er miklu betra að fara ekki í bað“

• Af hverju verða Dólómíta­fjöll­in bleik í ljósa­skipt­un­um?
• Alls 71% ferðalanga sem ferðast ein­ir eru kon­ur
• Hóp­ur höfr­unga lék list­ir sín­ar
• Ein­stakt tæki­færi til að skíða ótroðnar slóðir á Aust­fjörðum

» Fleiri tengd­ar frétt­ir

Á ferðalagi

Atriði The White Lot­us sýn­ir hina raun­veru­legu Sonkr­an-hátíð

• Hvert er best að ferðast einn?
• Íslenski hring­veg­ur­inn í 1. sæti á heimsvísu
• Axel Hall­kell og Sigrún Edda smökkuðu gullís í Tókýó
• Fal­inn gim­steinn í Sviss á heims­minja­skrá UNESCO

» Fleiri tengd­ar frétt­ir

• Blogga um frétt