Á Sigluf­irði á Norður­landi er stórt og ný­upp­gert hús sem get­ur tekið þrjá­tíu og fimm manns í gist­ingu. Húsið er vin­sælt á meðal vina­hópa og stórra fjöl­skyldna sem vilja kom­ast í burtu og er til leigu á vefsíðu húss­ins.

Húsið Hóll býður upp á full­búið eld­hús, saunu, set­laug fyr­ir fleiri en tutt­ugu manns, bill­i­ard-borð, ping pong-borð, bjórdælu, pílu­spjald og margt fleira til að búa til ógleym­an­leg­ar minn­ing­ar. Húsið er einnig huggu­lega inn­réttað í heim­il­is­leg­um stíl.

Aðal­húsið tek­ur tutt­ugu og sjö manns í gist­ingu en einnig er auka­í­búð á staðnum sem rúm­ar átta manns.